Un home que conducía en sentido contrario pola autoestrada AP-9 provocou un accidente nas últimas horas, segundo informou o CIAE 112 Galicia, e foi interceptado pola Garda Civil, que o investiga como suposto autor de dous delitos contra a seguridade viaria: condución baixo os efectos do alcol e condución temeraria.
O sinistro rexistrouse a última hora deste xoves, no punto quilométrico 160, á altura da parroquia viguesa de Bembrive. Un condutor que se meteu en sentido contrario na autovía chocou contra outro vehículo, cuxa condutora foi trasladada a Povisa, segundo informou o 061.
O 112 alertou, ademais da Urxencias Sanitarias, aos bombeiros de Vigo e á Garda Civil. Precisamente, axentes deste corpo identificaron o condutor que provocou o accidente e realizáronlle o test de alcoholemia, con resultado positivo. Por iso, está investigado por dous delitos contra a seguridade viaria.