Dúas persoas resultaron feridas leves na tarde deste martes en Vigo tras rexistrarse un accidente múltiple por alcance na estrada Clara Campoamor, ao seu paso polo Hospital Álvaro Cunqueiro.
Tal como informaron fontes do 112 Galicia a Europa Press, os feitos producíronse sobre as 15,00 horas, cando un particular alertou do impacto, no que se viron implicados tres vehículos. Por iso, deuse aviso aos servizos de urxencias sanitarias, á Policía Local, a Protección Civil e aos Bombeiros de Vigo. Finalmente, dúas persoas resultaron feridas leves.
Tamén esta tarde a central de emerxencias tivo constancia doutro accidente na PO-331, a estrada que une Gondomar con Vigo. Foi entre o punto quilométrico 13 e 14 onde un particular informou de que había un coche co interior cheo de fume, aínda que non había persoas atrapadas no seu interior.
Os feitos rexistráronse sobre as 19,30 horas e o 112 Galicia avisou a urxencias sanitarias, á Guarcia Civil e á Policía Local.
