InicioSucesosUnha persoa morta tras ser alcanzada por un tren en Crecente

Unha persoa morta tras ser alcanzada por un tren en Crecente

O suceso produciuse pasado o mediodía deste luns á altura de Filgueira.

PUBLICADO O

- Advertisement -

Unha persoa faleceu este luns tras ser alcanzada por un tren ao seu paso polo municipio de Crecente.

Segundo informou o 112, o servizo tivo constancia dos feitos ás 13.20 horas a través do persoal de seguridade de Adif, que explicaba que un tren de mercadorías acababa de atropelar a unha persoa ao seu paso pola parroquia de Filgueira, na vía férrea que une as cidades de Ourense e Vigo.

Ao darse conta do sucedido, o maquinista, que resultou ileso, detivo e abandonou de inmediato o convoi para buscar á persoa accidentada, que foi localizada aínda con vida.

Ao mesmo tempo, os xestores do 112 Galicia solicitaron a acción de Urxencias Sanitarias de Galicia-061, do GES-SPEIS de Ponteareas e dos axentes da Garda Civil e da Policía Local de Crecente.

Por outra banda, nada máis recibir o aviso, desde Urxencias Sanitarias de Galicia-061 comunicaban que estaban a mobilizar aos seus profesionais a bordo do helicóptero medicalizado con base en Ourense, que chegou a tomar terra no lugar.

A pesar dos esforzos, o persoal sanitario confirmou finalmente o falecemento da persoa.

Pola súa banda, os servizos de emerxencias continuaron traballando para restablecer as condicións da vía ferroviaria, que quedou aberta de novo minutos despois das 16.30 horas.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...