Axentes da Policía Local de Vigo detiveron nas últimas horas a un veciño da cidade, I.C.A., de 21 anos de idade, como presunto autor do roubo dun ciclomotor, e abriron dilixencias por un suposto delito contra a seguridade viaria, por conducir a moto sen ter carné.

Os feitos ocorreron, segundo fontes policiais, ao mediodía deste xoves, cando unha patrulla que circulaba pola rúa Beirán, en Matamá, localizou un ciclomotor estacionado e que figuraba como roubado desde o pasado ano.

Os axentes estableceron un dispositivo de vixilancia apoiado por axentes de paisano e, apenas media hora despois, observaron a un mozo que se dirixía á moto e iniciaba a marcha.

Os funcionarios policiais interceptárono e identificaron, comprobando que o mozo non presentaba ningún permiso nin licenza para conducir. Así mesmo, ao comprobar os datos do vehículo, verificaron que se trata dun ciclomotor que figura como roubado nas bases da DXT.

Por iso, procederon á súa detención polo suposto roubo, e tamén instruíron dilixencias por conducir sen ter ningún tipo de permiso (suposto delito contra a seguridade viaria).