InicioSucesosFamiliares da muller asasinada en Baiona: "Agora empezaba a vivir, coa súa...

Familiares da muller asasinada en Baiona: “Agora empezaba a vivir, coa súa casiña nova e os seus nenos”

Veciños e familiares da muller asasinada en Baiona concéntranse para expresar a súa repulsa polo crime. O Concello prevé decretar 3 días de loito oficial e as bandeiras xa ondean a media hasta

PUBLICADO O

- Advertisement -

Uns douscentos veciños e familiares da muller asasinada en Baiona nas últimas horas, supostamente pola súa exparella, concentráronse ao mediodía deste luns fronte ao Concello da localidade para expresar a súa repulsa por un crime que conmocionou ao municipio.

Así, durante uns 20 minutos, manifestaron en silencio o seu rexeitamento ao asasinato de Beatriz L.G., nun acto no que participaron familiares da vítima, así como membros do goberno local, entre eles, o alcalde, Carlos Gómez Prado. A concentración finalizou cun prolongado aplauso, mentres os participantes gritaban “Nunca máis!”.

O Concello de Baiona xa puxo as bandeiras do seu balcón a media asta e, á espera do informe oficial de Subdelegación do Goberno que confirme que se trata dun crime de violencia machista, a previsión é, segundo explicou o rexedor, decretar 3 días de loito oficial.

De feito, no veciño municipio de Nigrán, o goberno local xa decretou 3 días de loito oficial, con bandeiras a media hasta, e este martes celebrará ás 10,00 horas unha concentración de repulsa ante o Consistorio.

Na concentración de Baiona, vivíronse momentos de emoción e moita tristeza por parte de familiares da vítima, que lamentaron que lle arrebataron a vida a “unha muller tan boa”, que “agora empezaba a vivir, coa súa casiña nova e os seus nenos”, dos que obtivera a custodia. “Nin sequera lle tocaban os nenos a el, e ela como era boa deixoullos”, sinalou unha familiar.

O rexedor de Baiona trasladou as súas condolencias aos achegados de Beatriz, e agradeceu que tanto Subdelegación de Goberno como a Secretaría de Estado de Igualdade puxéronse en contacto co Concello para porse a disposición da administración e da familia da vítima.

Así mesmo, a comunidade educativa de Baiona, a través das redes sociais, tamén expresou a súa repulsa. Por outra banda, a Xunta enviou a un equipo de psicólogos do GIPCE (Grupo de Intervención Psicolóxica en Catástrofes e Emerxencias) ao IES Pedro Floriani, onde traballa o presunto autor do crime, Ángel R.D., como profesor.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...