A Fundación Franz Weber mostrou este mércores a súa “sorpresa” polo compromiso dunha parte do goberno local da localidade pontevedresa de Moaña coa protección animal ao mesmo tempo que organiza a cabalgata dos Reis Magos con camelos reais contratados a unha empresa de Valladolid.
Os naturalistas defenderon, a través dun comunicado, que se trata dun tipo de malos tratos cara aos animais e, o seu veto, sería “sinxelo”, deixando de realizar convenios ou contratos con entidades que promoven este tipo de “espectáculos lamentables”.
Para a Fundación Franz Weber, o caso de Moaña evidencia como “caricaturizar o sufrimento animal con camelos sufrindo un intenso ruído ambiental, tocamentos das persoas asistentes e unha música enxordecedora”.
“Todo isto contribúe a xerar unha imaxe radicalmente equivocada dos animais, en especial aos nenos e adolescentes que poden participar da actividade”, aseguraron.
Ademais, a Fundación Franz Weber advertiu que o Proxecto de Lei estatal que reglamentará as políticas de protección animal non acaba con este uso de fauna silvestre senón que se limita a desenvolver unha nova regulación, polo que a súa inclusión en moitas cabalgatas ao longo da xeografía española sinalan que podería continuar.
