Dúas persoas necesitaron asistencia médica e unha delas tivo que ser excarcerada polos Bombeiros de Vigo, ao quedar atrapada no interior dun dos vehículos implicados, nun choque frontal entre dous turismos no Camiño Real, pasadas as 16,00 horas.
Foron avisados Urxencias Sanitarias de Galicia-061, Bombeiros de Vigo e Policía Local. Segundo confirmaron os Bombeiros de Vigo ao 112 Galicia ao finalizar a súa intervención, dúas persoas habían resultado feridas debido ao choque e unha delas tivo que ser excarcerada.
COLISIÓN DOUS CAMIÓNS E TURISMO AP-9
Por outra banda, en Redondela, unha muller resultou ferida nun choque múltiple no que se viron implicados o coche no que circulaba e dous camións, ao paso da autoestrada pola parroquia de Trasmañó, no punto quilométrico 149.
Segundo relataron varias persoas particulares que contactaron co 112 Galicia, o sinistro tivo lugar ás 16,30 horas, cando dous camións –que non transportaban mercadorías perigosas– e un turismo chocaron no sentido sur da circulación.
Con estes datos, o persoal do CIAE 112 Galicia pasaron o aviso á Garda Civil de Tráfico, a Urxencias Sanitarias de Galicia-061, ao servizo de mantemento da autoestrada, ao GES de Mos e efectivos de Protección Civil.
