Vigo acolle a partir deste venres o III Congreso Nacional Multidisciplinar de Hixienistas Dentais ‘Sorría Vigo22’, que terá lugar ata o vindeiro sábado na sede de Afundación de Abanca.
Tal como informaron os seus organizadores, serán máis de 20 relatores de “primeira liña” e de dentro e de fóra de Galicia os que darán unha formación “seria, atractiva, práctica e moderna” aos asistentes a través de relatorios, talleres prácticos, mesas redondas e actividades preventivas orientadas á cidadanía.
Xa este xoves e venres, levarán a cabo charlas de prevención bucodental e talleres de cepillado en colexios de Vigo a nenos de entre 5 e 8 anos de idade, mentres que tamén o venres impartiranse talleres de cepillado dirixidos á poboación nunha carpa instalada no Farol de Urzaiz.
Pola súa banda, a inauguración do Congreso terá lugar o sábado ás 12,15 horas Afundación, á cal acudirán, entre outros, o conselleiro de Sanidade, Julioo García Comesaña, así como o alcalde de Vigo, Abel Caballero.
