Tui está entre o centenar de municipios españois, e os catro da provincia de Pontevedra, que van recibir unha axuda do Ministerio de Transportes, Mobilidade e Axenda Urbana para a elaboración de proxectos pilotos de
Plans de Accións Local da Axenda Urbana Española. 

O concello de Tui presentou á convocatoria un proxecto dirixido tecnicamente polo arquitecto Luciano Alfaya no que se establece a folla de ruta que vai marcar a estratexia e as accións que se levarán a cabo no municipio até o ano 2030. Unha vez a resolución sexa definitiva, indican dende o Concello, procederase á licitación dos estudos pertinentes para desenvolver este plan piloto, e a continuación comezará o proceso de execución.

Un proceso que en palabras de Enrique Cabaleiro será de “moito traballo,
moito esforzo e moita complexidade” pero “estar na liña de saída nos garante poder cumprir os obxectivos con moitísimo éxito”.