O brote de Covid-19 detectado hai dúas semanas nunha residencia de discapacidade do municipio ourensán de Barbadás con 12 usuarios infectados descende a sete casos, mentres que nos centros de maiores aumentan a tres os residentes contaxiados, dous nun de Vigo e un noutro de Forcarei.

Segundo os datos actualizados este mércores polas consellerías de Política Social e Sanidade –que publican semanalmente os casos en residencias–, no centro de discapacidade As Burgas de Barbadás baixan a sete os usuarios contaxiados con Covid, cinco menos que hai unha semana.

Esa ducia de contaxios supuxeron o 60 por cento dos 20 usuarios que atende esta residencia contaxiados. Tras detectarse o brote, os residentes, incluídos os que deron negativo na proba Covid, segundo indicou Política Social, foron illados polo protocolo do centro.

RESIDENCIAS DE MAIORES
En canto ás residencias de maiores en Galicia, aumentan de dúas a tres os usuarios contaxiados de Covid-19, dúas deles nun centro en Vigo e outro nun en Forcarei.

En concreto, o brote na Residencia Clece Vitam Pardo Bazán de Vigo mantén dous casos como fai sete días. A estes súmase un contaxiado na Residencia Nosa Señora Dolores de Forcarei.