InicioSociedadeA triste despedida do comisario de Vigo

A triste despedida do comisario de Vigo

Carlos Valcárcel marcha entre reproches á "superioridade" por non autorizar un encontro con xornalistas.

PUBLICADO O

- Advertisement -

A etapa de Carlos Valcárcel como xefe da Comisaría de Policía Nacional de Vigo tivo un final inesperado e cargado de reproches e é que, a horas de que se produza o seu cesamento (por xubilación), o comisario compareceu ante os medios para lamentar que “a superioridade” (en alusión á Comisaría Provincial, dirixida por Estíbaliz Palma) obrigou a desconvocar un encontro previsto para este luns con xornalistas. “Prohibíronme reunirme no interior, e facer uso das instalacións, incluído o meu despacho. Despedímonos na rúa”, sinalou.

A pesar de que a convocatoria estaba feita e remitida aos medios desde hai varios días, poucos minutos antes de que se celebrase ese encontro, a propia Comisaría de Vigo informaba da anulación. Ante a presenza dos xornalistas nas instalacións policiais, o comisario, vestido de paisano, quixo comparecer ante os medios para agradecer o trato recibido nos 10 meses nos que estivo á fronte da xefatura local da Policía Nacional.

Preguntado acerca de por que se desautorizou esa conferencia de prensa, Carlos Valcárcel recoñeceu que “o primeiro sorprendido” foi el, e sinalou que a prohibición responde “unicamente a criterios da superioridade”. Así mesmo, sinalou que a Comisaría de Vigo “non se merece isto” e para el, con “44 anos de traxectoria” no Corpo, tampouco é “o momento máis feliz, ao contrario, é de desazón“.

“Non me queda máis remedio que acatar, a superioridade é a que ordena”, engadiu, e recoñeceu que, precisamente este inesperado final é a “espiña” que levará da Comisaría de Vigo: ” É un peche á miña carreira que non me merezo”.

Carlos Valcárcel tomou posesión da xefatura da Comisaría de Policía Nacional de Vigo en xullo do ano pasado, e na cidade olívica culminou unha carreira profesional que empezou en 1977 e que lle levou a traballar na Brigada de Investigación Criminal (agora Policía Xudicial) en atracos, na loita contra a banda terrorista ETA en Pamplona ou na loita contra o narcotráfico, como un dos creadores da Udyco de Galicia. En Vigo, baixo a súa dirección esclareceuse o crime de Chapela, coa detención dun home que presuntamente matou a outro home que lle fornecía drogas.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...