InicioSociedadeBaixan os hospitalizados na área de Vigo na que seguen crecendo os...

Baixan os hospitalizados na área de Vigo na que seguen crecendo os contaxios

Hai máis casos activos e máis novos contaxiados.

PUBLICADO O

- Advertisement -

Os casos activos de covid-19 e a presión hospitalaria que deixa a pandemia en Galicia volveron a experimentar lixeiros ascensos nos datos deste domingo, a pesar das baixadas do sábado. Con todo, os novos contaxios de coronavirus detectados nas últimas horas en Galicia descenderon ata os 174.

Así o recollen os datos da Consellería de Sanidade actualizados ás 18,00 horas do sábado, momento no que o total de ingresados con covid-19 ascendía a 214 –catro máis que o día anterior–, repartidos entre a UCI –51, un máis– e as unidades convencionais –163, tres máis–.

Por áreas sanitarias, a de Vigo non variou no total de hospitalizados covid, que se mantén nos 41, 12 deles na UCI.

MÁIS CASOS ACTIVOS

En canto aos casos activos, Galicia volveu a anotar nos datos deste domingo unha suba, despois da baixada conxuntural experimentada o sábado. Por áreas sanitarias, os pacientes de coronaviruis aumentaron nas áreas de Vigo, ata os 945 en total (+6).

MÁIS CONTAXIOS

Pola súa banda, os contaxios detectados con calquera tipo de proba nas últimas 24 horas volvéronse a situar por baixo dos 200. Así, dos 174 novos casos, 146 foron por positivo en PCR. A área que máis novos contaxios achega nos datos deste domingo é a de Vigo con 46 casos –cinco máis que a xornada anterior–.

Todo iso nunha xornada na que as probas PCR realizadas desde o inicio da pandemia ascenderon a 2.065.796, despois das 8.430 feitas nas últimas 24 horas –unhas 600 menos que o día inmediatamente anterior–.

Deste xeito, repuntou lixeiramente a taxa de positividade das PCR, ata o 1,9%, aínda que segue sendo unha das cifras máis pequenas desde o verán pasado e está moi por baixo do 5% que marca a OMS para dar por controlada a pandemia.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...