InicioSociedadeOs tres docentes de Escola de Arte Dramática acusados de acoso sexual...

Os tres docentes de Escola de Arte Dramática acusados de acoso sexual din que as denuncias son “falsas”

"Agora quen teñen que dar explicacións e ser coherentes son as denunciantes", di unha das avogadas dos acusados.

PUBLICADO O

- Advertisement -

Os tres profesores da Escola de Arte Dramática de Galicia (ESAD), con sede en Vigo, investigados por suposto acoso sexual a alumnas negaron no xulgado todas as acusacións e consideraron que as denuncias son “infundadas” e “totalmente falsas”.

Así o trasladaron as avogadas de dous dos profesores, despois de que comparecesen na mañá deste mércores no Xulgado de Instrución número catro de Vigo, onde os investigados responderon a “todas” as preguntas.

Fontes xudiciais confirmaron que un terceiro docente investigado nesta causa declarou por videoconferencia desde Madrid. Ademais, avanzaron que, tras as declaracións destas persoas, o Xulgado continuará coa investigación “chamando a distintas testemuñas nas próximas semanas”.

Á saída dos xulgados, as letradas que representan aos docentes que compareceron presencialmente descartaron entrar en detalles, pero si indicaron que os seus representados negan “todo” o denunciado.

Así as cousas, a avogada dun deles, Ana Reguera, referendou que o seu representado “respondeu a todo e explicou todo convenientemente”. “Agora quen teñen que dar explicacións e ser coherentes son as denunciantes; imos esperar a que o xuíz investigue”, selou.

INVESTIGACIÓN

Os profesores xa foran citados para a toma de declaracións a principios de febreiro, aínda que quedou suspendida tras a baixa dunha das avogadas ao ser contacto estreito dunha persoa positiva por covid-19.

Esta investigación xudicial partiu das denuncias de varias alumnas do centro educativo por suposto acoso sexual, por mor do que, a principios de 2020, alumnos e varios profesores iniciaron un calendario de protestas.

Segundo sinalou entón unha das docentes, os supostos abusos non foran “episodios puntuais”, xa que tamén exalumnas confirmaran “comportamentos que exceden meros comentarios” e supuñan “violencia contra as mulleres”.

No seu día, a Consellería de Educación abriu un expediente interno para aclarar os feitos, pero quedou en suspenso cando, tras a presentación das denuncias, se iniciaron dilixencias de investigación penal. No entanto, como medida cautelar, os profesores investigados quedaron apartados da docencia.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...