InicioSociedadeA Fundación Universidade de Vigo, clasificada como entidade "de interese educativo"

A Fundación Universidade de Vigo, clasificada como entidade “de interese educativo”

A Xunta de Galicia determinou que a Fundación Universidade de Vigo queda "adscrita ao protectorado da Consellería de Cultura, Educación e Universidade".

PUBLICADO O

- Advertisement -

O Diario Oficial de Galicia (DOG) publica este xoves, 4 de febreiro, a orde da Vicepresidencia primeira e Consellería de Presidencia, Xustiza e Turismo, pola que se clasifica a Fundación Universidade de Vigo como entidade “de interese educativo”.

Esta fundación, constituída en 1997, modificou o pasado ano 2019 os seus estatutos para cambiar o seu ámbito ao ámbito territorial da Comunidade Autónoma de Galicia, e inscribirse no Rexistro de Fundacións da Xunta.

Segundo consta nos seus estatutos, a Fundación Universidade de Vigo ten como principal obxectivo cooperar no cumprimento dos fins propios da Universidade olívica. Así, encárgase de “prestar servizos necesarios para que a Universidade de Vigo realice as súas funcións básicas, e non supoñan exercicio de función de autoridade”, ou de “promover e desenvolver actividades que favorezan a cooperación internacional da Universidade de Vigo”.

Entre as súas funcións tamén destaca “impulsar e realizar actividades de formación non regulada co fin de lograr as máximas cotas de calidade de docencia e investigación“, “fomentar a actividade emprendedora e fomento do emprego do estudantado universitario”, “promover a cooperación entre a universidade e o sector empresarial, entidades e institucións”, ou “fomentar a realización de actividades que favorezan a integración da Universidade de Vigo na súa contorna económica, cultural e social”.

Agora, a Xunta determinou o “interese educativo” da entidade e, segundo disponse na orde publicada, a Fundación Universidade de Vigo queda “adscrita ao protectorado da Consellería de Cultura, Educación e Universidade“.

ÚLTIMAS

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...

Un ano de cárcere por deixar morrer de fame a cinco cans en Gondomar

Un home aceptou este xoves un ano de cárcere por deixar morrer de fame...

Nova imaxe gráfica do Marisquiño 2024, unha homenaxe aos adhesivos dos 90 no grafiti e ‘skate’

Os artistas Nano4814 e Sekone foron os encargados de deseñar a imaxe gráfica do...

Detido un mozo de 18 anos por roldar a vivenda dunha muller sobre a cal tiña unha orde de afastamento

A Policía Local de Vigo detivo na tarde deste pasado mércores a un mozo, S.G.B. de...