Asi o anunciu o presidente logo do encontro da Xunta coa FEGAMP onte en Santiago. A noticia chega logo das fortes críticas e presións da FEGAM, o sincidato de Xornalistas de Galicia e numerosos medios de comunicación, ante a total opacidade da Xunta á hora de facilitar os datos de xeito aberto como noutras comunidades.

De feito, Galicia xunto a Extremadura, eran as únicas comunidades que non ofrecían datos abertos sobre a evolución da pandemia.

A tal efecto, Feijóo explicou que se elaborarán dous mapas, un para os casos acumulados nos últimos 7 días e outro para os casos acumulados nos últimos 14 días, establecéndose os niveis de alerta –verde, amarelo, laranxa e vermello- segundo os concellos de menos de 50.000 habitantes e os de máis de 50.000.

Deste xeito, para os concellos de menos de 50.000 habitantes estableceranse as cores: verde para menos de 7 casos novos á semana; amarelo para entre 7 e 13 casos novos á semana; laranxa para entre 14 e 20 casos novos á semana; e vermello para máis de 20 casos novos á semana.

No caso dos concellos de máis de 50.000 habitantes, establecerase: o verde para os que teñan menos de 28 casos novos á semana por 100.000 habitantes; amarelo para entre 28 e 55 casos novos á semana por 100.000 habitantes; laranxa para entre 56 e 111 casos novos á semana por 100.000 habitantes; e vermello para máis de 111 casos novos á semana por 100.000 habitantes.

“Desta clasificación sairían dous mapas: un aos 7 días e outro aos 14 días, onde se indicarán con carácter xeral que concellos están nunha situación tranquila, cales avanzan cara a unha situación máis preocupante, cales están nunha situación máis comprometida e cales nunha situación que pode dar lugar a restricións”, engadiu Feijóo, precisando que esta información se fará pública na web da Consellería de Sanidade.

O que non desvelou a Xunta se o mapa permitirá consultar as crifras reais de contaxiados ou pola contra será só un sistema de código de cores, como o indicado.