InicioSociedadeA área sanitaria de Vigo é a que máis casos activos de...

A área sanitaria de Vigo é a que máis casos activos de COVID-19 ten de Galicia

PUBLICADO O

- Advertisement -

Os casos activos de coronavirus en Galicia diminuíron ata os 1.199 afectados, 311 menos que o sábado; á vez que se rexistraron 335 altas que elevan os recuperados ata os 9.155, segundo explicou este domingo a Consellería de Sanidade. Desta maneira mantense a tendencia da evolución da pandemia que viña rexistrando os días pasados, aínda que o número de recuperados é menor que o rexistrado sábado, así como tamén o é o descenso dos casos activos.

A Dirección Xeral de Saúde Pública precisou que este domingo a maioría de pacientes con COVID-19 concéntranse na área sanitaria de Vigo, con 352 infectados (49 menos que onte). Pola súa banda, a área da Coruña mantén 277 casos (-54), a de Ourense, 209 (-68), a de Santiago rexistra 187 (-57), a de Lugo 77 (-20), a de Pontevedra 62 (-31) e a de Ferrol 35 (-30).

Respecto da atención sanitaria que están a recibir os pacientes diagnosticado con COVID-19, a maioría reciben asistencia domiciliaria (1.087). Ao mesmo tempo, 94 persoas permanecen ingresadas en unidades de hospitalización convencional e 18 seguen na UCI, unha menos que onte.

Ata agora curáronse un total de 9.155 persoas e o Sergas segue realizando PCR para diagnosticar o virus. Durante a última xornada realizáronse un total de 1.724 PCR, que suman xa 125.832.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...