InicioSociedadeO Colexio de Médicos cualifica de "improcedente" o cese da médica de...

O Colexio de Médicos cualifica de “improcedente” o cese da médica de Vigo por criticar á Xunta

PUBLICADO O

O Colexio oficial de Médicos da provincia de Pontevedra criticou o cesamento da xefa de sección de Cirurxía Plástica, Estética e Reparadora do Complexo Hospitalario Universitario de Vigo (Chuvi), Eva Maquieira Gómez, que considerou “improcedente”.

A través dun comunicado, o órgano colexiado anunciou que a súa Comisión Deontolóxica analizará o seu caso “por se houbese lugar a denunciar este feito ante a Fiscalía”.

Ademais, mostrou o seu “apoio” a esta facultativa, que, segundo apuntou, “non fixo máis que manifestar o que a Organización Médica Colexial vén reivindicando”.

En concreto, o cesamento efectuouse este domingo, despois de que, segundo indicaron a Europa Press fontes do Servizo Galego de Saúde (Sergas), esta profesional “se negase a acatar” as recomendacións sanitarias emitidas polo Chuvi para evitar a propagación do coronavirus.

Tamén se afirmou que “animou a outros compañeiros a non cumprir” estas medidas e cuestionounas ” en redes sociais, polo que se considerou que “se rompeu a confianza” cara á dirección da área Sanitaria de Vigo, que se entendía como necesaria para que desempeñase o posto de xefa de servizo.

“RISCO” DE CONTAXIO

Así mesmo, o Colexio de Médicos de Pontevedra denunciado o “risco” de contaxio por COVID-19 ao que se enfronta o persoal sanitario en España e que, segundo recalcou, “increméntase por carecer das mínimas garantías de seguridade para facer fronte á situación”.

Por este motivo, este órgano reclamou á administración pública que “dote de medios adecuados a todo o persoal médico no menor espazo de tempo posible”.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...