InicioSociedadeVigo terá en Nadal 50 máquinas lanzando neve artificial

Vigo terá en Nadal 50 máquinas lanzando neve artificial

O mercado, con 58 postos e espazos "para tomar algo", abrirá o próximo 24 de novembro.

PUBLICADO O

- Advertisement -

O Concello de Vigo instalará na Praza de Compostela un mercado do Nadal de artesanía e postos de alimentación, todo iso iluminado cun gran corredor de luces, e no que non faltará a neve, grazas a 50 máquinas que lanzarán copos artificiais cada hora.

Así o anunciou este martes o alcalde, Abel Caballero, quen informou de que o mercado, con 58 postos e espazos “para tomar algo”, abrirá o próximo 24 de novembro.

Ademais de situarse á beira da gran nora (“un dos grandes atractivos” do Nadal de Vigo este ano), contará cun aliciente máis: haberá “nevaradas” periodicamente. “Cada hora, haberá un par de minutos en que vai nevar. O alcalde, que xa controla bastante ben a choiva e o sol, agora vai controlar a neve”, chanceou o rexedor.

Caballero lembrou que a campaña do Nadal de Vigo, que xa é “un fenómeno turístico en toda España e unha parte importante de Europa”, contará con outros atractivos, como a iluminación (10 millóns de luces LED repartidas en 334 rúas, 2.700 arcos, 465 árbores, a árbore xigante, a bóla de neve, o boneco e outros elementos ornamentais).

Todo iso, asegurou, cun consumo enerxético “practicamente cero”, e ao que hai que engadir outras iniciativas, como outros mercados, a pista de patinaxe, a rampla de xeo ou o poboado do Nadal.

Así, o alcalde mostrouse convencido de que, neste ano, o Nadal vigués volverá bater marcas, e superará os “dous millóns de visitantes” da campaña pasada.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...