O centro de saúde do barrio vigués de Navia incorporou un novo fisioterapeuta en horario de tarde que se sumará aos tres profesionais desta categoría que xa desempeñan o seu labor nestas instalacións.
Segundo recolleu a xerencia da Estrutura Organizativa de Xestión Integrada (EOXI) de Vigo nun comunicado, no que vai de ano, incorporáronse ao persoal deste centro outro tres profesionais, un odontólogo, un higienista bucal e un traballador de servizos xerais.
En concreto, este centro de Atención Primaria conta con 36 empregados: oito médicos Familia, tres pediatras, dous odontólogos, nove enfermeiras, unha matrona, catro fisioterapeutas, dous técnicos de coidados auxiliares de enfermaría, dúas higienistas dentrales e cinco traballadores de servcios xerais.
Precisamente, o xerente da EOXI de Vigo, Julio García, visitou xoves este centro xunto a membros da dirección da área sanitaria e reuniuse cos profesionais. Así, asegurou que esta actuación mostra o “esforzo” que leva a cabo de face a mellorar o servizo de Atención Primaria.