Preto do 88% dos usuarios da Asociación Érguete en Vigo comezou a consumir drogas antes dos 18 anos, segundo despréndese dos últimos datos presentados pola entindade.  En concreto, a asociación asegurou que un 55% das persoas que trata comezou a consumir entre os 15 e os 18 anos, mentres que un 33% antes dos 14 anos e o 12% restante a partir dos 19 anos.

Cannabis e cocaína son as sustancias máis consumidas polos usuarios da Asociación Érguete en Vigo, cun 30% e un 26% dos casos, respectivamente, mentres que outro 15% consome heroína e cocaína e un 16% ten problemas co alcol.

Unha das vías de entrada á entidade é a través do seu Servizo Xurídico, onde ofrece avogados de forma gratuíta a persoas con condutas adictivas e ás súas familias. En 2023, Érguete atendeu a máis de 8.000 persoas, 770 dentro do seu Servizo Xurídico, sendo este a porta de entrada para acceder á rede asistencial.

O responsable do Servizo Xurídico de Érguete, David Martínez, explicou que estes datos son unha “mostra pequena” da poboación de Vigo, pero “permiten facer estimacións do que se está consumindo na rúa para tomar medidas e facer políticas de prevención”.