A sección quinta da Audiencia Provincial de Pontevedra, con sede en Vigo, celebrará os días 15 e 16 o xuízo contra un fisioterapeuta acusado de abusar sexualmente de catro mulleres. O home, tamén osteópata, está acusado de abusar sexualmente de catro clientas entre o 2020 e 2021 e a Fiscalía solicita para el 13 anos e medio de prisión.

Segundo o Ministerio Público, o procesado, “aproveitándose da oportunidade que lle ofrecía a súa actividade profesional” e “sen previamente informar ao paciente para consentir o tratamento a realizar”, actuou con “a intención de satisfacer o seu ánimo libidinoso” con catro mulleres.

En concreto, en agosto de 2020 una das vítimas acudiu á clínica por ter molestias nas costas. Ao atoparse en roupa interior, “por requirimento do procesado e sen ningunha finalidade terapéutica”, levantoulle a braga e tocoulle a íngua. Concluída a sesión, tamén lle acariñou os costados á altura das lumbares, o que lle provocou “unha grande incomodidade”.

Tamén en agosto, outra das vítimas acudiu por primeira vez á clínica para recibir tratamento e, mentres se atopaba en roupa interior por requirimento do procesado, este realizoulle tocamentos nos peitos “sen finalidade terapéutica” e “sen informar o procedemento” nin pedir consentimento.

Posteriormente, esta mesma clienta acudiu por segunda e última vez á clínica e alí o acusado volveulle a pedir que quedase en roupa interior e tombásese sobre a padiola, momento no que lle realizou tocamentos, “en polo menos dúas ocasións”. Como consecuencia destes feitos, a vítima sufriu unha lesión psíquica leve de ansiedade.

Feitos semellantes ocorreron con outra clienta que acudiu á clínica do procesado por padecer dores nos lumbares e nas pernas. A ela, segundo detalla Fiscalía, tamén lle acariñou “sen finalidade terapéutica os peitos baixo o suxeitador”, ademais de utilizar aceite sobre o corpo da vítima, momento no que “lle tocou a vaxina de maneira innecesaria” para retirar o aceite.

O cuarto dos casos ocorreu a finais do mes de agosto. A denunciante acudiu ao establecemento por padecer dores na cadeira e ombreiros debido ao uso de muletas tras sufrir un traumatismo no nocello. Ese mesmo día, “sen informarlle do tratamento que ía realizar, tocoulle o lateral do peito, así como a vaxina e a pube”.

Por segunda vez, o 31 de agosto, ao continuar padecendo dores na cadeira e ombreiros, acudiu á clínica. Neste caso, convidouna a subir á súa residencia, situada encima do consultorio, “aproveitándose da ocasión de ensinar á vítima exercicios de rehabilitación”. Xa en xaneiro de 2021, ela acudiu noutras dúas ocasións “ante a insistencia do acusado”, que lle ofreceu recibir sesións de fisioterapia de maneira gratuíta.