Alumnos do IES Illa de San Simón de Redondela representarán a España na competición International Junior Science Olympiad, tras resultar premiados co galardón QuinteSciencie, da Olimpíada Científica Xuvenil Española.

Os alumnos foron recibidos este martes polo conselleiro de Cultura, Educación, FP e Universidades, Román Rodríguez, que asegurou que é “un orgullo” que estes mozos galegos representen ao conxunto do país nun certame internacional de divulgación científica.

Diso informou a Xunta nun comunicado, no que lembra que a International Junior Science Olympiad terá lugar entre o 1 e o 10 de decembro en Tailandia.

O instituto de Redondela participa en diferentes olimpíadas ao longo do ano, co apoio da Administración autonómica.