InicioSociedadeUrbanismo ordena o peche da discoteca do Palacio da Oliva por carecer...

Urbanismo ordena o peche da discoteca do Palacio da Oliva por carecer de licenza

Seguirá funcionando a restauración, a cafetaría e a realización de presentacións ou eventos.

PUBLICADO O

A Concellería de Urbanismo e Vivenda do Concello de Vigo ordenou o peche da discoteca do Palacio da Oliva da cidade ao carecer de licenza para a dita actividade. Tal como informaron fontes do goberno local a Europa Press, Urbanismo ordenou o cesamento da actividade de música-discoteca por non axustarse á autorización concedida.

Dita autorización estaría destinada a un uso sociocultural e recreativo, non ligada ao lecer nocturno. Este establecemento abriu as súas portas a finais do ano pasado, tras a restauración do inmoble, situado en pleno Casco Vello de Vigo. Con máis de 4.500 metros cadrados, ofrecía gastronomía, pero tamén lecer nocturno. Actividade que agora o Concello obrigoulle a cesar.

Nun audio difundido aos medios de comunicación, a concelleira de Urbanismo, María José Caride, explicou que o Palacio da Oliva realiza actividades que si están permitidas na licenza que se lle foi concedida. Estas son todas aquelas relacionadas coa restauración, a cafetaría, a realización de presentacións ou eventos, entre outras. Con todo, o uso como discoteca está “explicitamente prohibido” na normativa urbanística do Casco Vello de Vigo, onde está situado o inmoble, polo que só se obrigou ao cesamento desa actividade.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...