InicioSociedadeUn veciño da cidade xubilado recupera máis de 10.000 euros tras reclamar...

Un veciño da cidade xubilado recupera máis de 10.000 euros tras reclamar no xulgado o complemento por maternidade

Este xubilado recuperará uns 10.140 euros como resultado da retroactividade total, calculada desde a data de inicio da súa pensión ata a data de efectos recoñecida pola sentenza de instancia. Este recobro traducirase nun aumento vitalicio da súa pensión ao 5 %.

PUBLICADO O

Un veciño de Vigo xubilado logrou que un xulgado da cidade recoñeza o seu dereito a percibir o complemento por maternidade, e recuperou algo máis de 10.000 euros, nun proceso no que foi asistido por Unive Avogados.

A sentenza do Xulgado do Social nº6 de Vigo do pasado 26 de setembro confirmou o seu dereito de percibir o complemento por maternidade na súa pensión desde o 18 de xaneiro de 2018, data de inicio da súa xubilación, a pesar de que o Instituto Nacional da Seguridade Social (INSS) denegáralla.

Deste xeito, este xubilado recuperará uns 10.140 euros como resultado da retroactividade total, calculada desde a data de inicio da súa pensión ata a data de efectos recoñecida pola sentenza de instancia. Este recobro traducirase nun aumento vitalicio da súa pensión ao 5 %.

O avogado de Unive, Jesús Soage, resaltou que “esta sentenza constitúe un triunfo significativo para todos aqueles individuos que buscan o recoñecemento dos seus dereitos” e sinalou que, na actualidade, “só aqueles afectados que recorren ás vías de reclamación teñen posibilidades factibles de conseguir o complemento”.

A Lei xeral da Seguridade Social estableceu o dereito a cobrar ese complemento ás mulleres que, por ter fillos, viron afectadas as súas traxectorias profesionais e cotizacións; posteriormente, o Tribunal da UE determinou que non se podía facer distinción entre homes e mulleres na aplicación dese dereito.

O xulgado Vigo sinala na súa sentenza que a directriz europea é “directamente aplicable” ás pretensións deste veciño da cidade, mesmo aínda que a súa fose unha xubilación anticipada involuntaria. Por iso, estimou a demanda e condenou á Seguridade Social.

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...