InicioSociedadeUn mozo vigués acepta pagar 765 euros de multa por acosar e...

Un mozo vigués acepta pagar 765 euros de multa por acosar e ameazar durante meses a unha excompañeira de academia

PUBLICADO O

O xuízo sinalado para este mércores na sala do Penal 2 de Vigo contra un mozo de 21 anos de idade, acusado de hostigar, acosar e ameazar de morte a unha excompañeira de academia, saldouse cun acordo de conformidade, polo que o procesado recoñece os feitos e acepta penas de multa que suman 765 euros, ademais da prohibición de achegarse a menos de 200 metros da vítima ou comunicarse con ela por un período de dous anos, e unha indemnización de 3.000 euros.

A Fiscalía pedía inicialmente penas de prisión e multas (por un total de 4.140 euros), ademais de 5.000 euros de responsabilidade civil. Finalmente, na sesión de conformidade, o mozo recoñeceu os feitos e aceptou a rebaixa de condena, que queda en multas que suman 765 euros, a prohibición de achegarse ou comunicarse coa vítima e a indemnización, todo iso por un delito de acoso, un delito continuado de quebrantamento de medida e un delito continuado leve de ameazas.

Na imposición de condena, que xa é firme e non se pode recorrer, aplicáronse as atenuantes de reparación do dano e de anomalía psíquica, xa que o mozo ten diagnosticado un trastorno de déficit de atención, con antecedentes por trastorno obsesivo compulsivo, que minguaban lixeiramente a súa vontade no momento dos feitos.

Segundo se recolle no escrito de acusación pública, os feitos ocorreron a partir de maio de 2021. Meses antes, o acusado e a vítima coñecéronse nunha academia de estudos e el tentou iniciar unha relación afectiva con ela sen conseguilo.

A partir do momento en que a moza quixo cortar o contacto co acusado, este comezou a hostigarla chamando constantemente por teléfono tanto á vítima como ás súas amigas. Cando a moza o bloqueou no móbil e nas redes sociais, o mozo seguiu chamando mediante un número oculto, de maneira que a moza tivo que cambiar o seu número de teléfono.

Ao longo dos meses, o acusado non só seguiu acosando á moza (que se trasladou por estudos a Ourense) e á súa contorna, senón que chegou mesmo a enviar mensaxes á nai da prexudicada e ás súas amigas, con ameazas directas (“vouna a estrangular cun arame de espiño”, “voulle a partir a cara dunha hostia”, “pensei en abrirlle a cabeza cunha pedra”, “vou violar á puta da túa filla”…) para amedrentar á nova.

En total, a moza e a súa contorna recibiron neses meses centos de chamadas e mensaxes, e a vítima tivo que cambiar de número de móbil dúas veces, ademais de recibir tratamento psicolóxico.

ÚLTIMAS

Sindicatos chaman aos vigueses a manifestarse o sábado por un transporte público digno ante o “abandono” municipal

Os responsables comarcais dos sindicatos CIG, CC.OO., UGT e USO fixeron este xoves un...

O V Simposio Nacional de Oncoloxía de Precisión aborda en Vigo retos como a IA ou o uso de anticorpos biespecíficos

A cidade de Vigo acolle este xoves e este venres o V Simposio Nacional de...

Acepta unha multa de 2.280 euros por manosear e bicar a unha camareira sen o seu consentimento

O acusado de manosear e bicar a unha camareira sen o seu consentimento aceptou...

Detido un veciño de Porriño tras atacar cunha pedra a unha muller para roubarlle o bolso

Un home de 25 anos veciño do Porriño foi detido acusado dun delito de...