O xerente da área sanitaria de Vigo, Javier Puente Prieto, xunto cos responsables dos diferentes servizos implicados na asistencia aos partos, reuniuse esta mañá con representantes do colectivo Loita.
O obxectivo deste encontro era trasladarlles a situación actual das actuacións que se están levando a cabo para a mellora da humanización asistencial no ámbito da medicina obstétrica.
Tras a reunión, segundo recolle a Xunta nun comunicado, Ponte Prieto destacou a “máxima receptividade” ás inquietudes transmitidas por este colectivo, así como o compromiso de retomar esta semana os traballos deste grupo no tocante á mellora dos coidados e a humanización da asistencia médica en Obstetricia e Pediatría, retardados pola pandemia.
