InicioSociedadeA Audiencia revisa a pena ao funcionario condenado polo caso 'enchufe', aínda...

A Audiencia revisa a pena ao funcionario condenado polo caso ‘enchufe’, aínda que só reduce 3 meses a prisión

PUBLICADO O

- Advertisement -

A sección quinta da Audiencia Provincial de Pontevedra, con sede en Vigo, ditou un auto no que acorda a revisión da pena imposta a Francisco Javier G.O., exfuncionario do Concello de Vigo ao que lle impuxeron 5 anos e tres meses de prisión por ‘enchufar’ nunha contrata municipal á cuñada de Carmela Silva, e rebaixou dita pena en 3 meses, polo que debe cumprir cinco anos.

Así, a revisión produciuse con respecto ao delito de malversación (o funcionario foi condenado tamén por prevaricación e falsidade documental), con arranxo aos cambios no Código Penal. Deste xeito, dado que a nova formulación do texto é máis beneficiosa para o penado, a Audiencia acordou a revisión e a redución en 3 meses da condena.

A efectos prácticos, este cambio non afectaría o ingreso en prisión do exfuncionario, que se atopa pendente tras un recurso interposto pola seu defensa, á espera de que se resolva a súa solicitude de indulto. En abril de 2023, a Audiencia ditou un auto no que instaba a Francisco Javier G.O. a entrar en prisión a cumprir a súa condena, dando por feito que a solicitude de indulto, transcorrido un ano, fora desestimada (aínda que non houbo resolución respecto diso), pero a defensa presentou un recurso de súplica.

A acusación popular, que exerce a asociación Xuntos por Galicia, remitiu á Audiencia un escrito no que pide ao tribunal que desestime o recurso de súplica e no que insiste en que debe executarse a sentenza, xa que “fai máis dun ano e seis meses” que o Tribunal Supremo confirmou a condena, e “hai moito tempo que o condenado tería que entrar en prisión”.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...