A sección quinta da Audiencia Provincial de Pontevedra, con sede en Vigo, acordou prorrogar por un ano a prisión provisional para M.M., detido en marzo de 2021 como presunto autor da morte dun veciño de Chapela, en Redondela.

Este home será o primeiro procesado xulgado por un tribunal de xurado nas novas instalacións da Cidade da Xustiza de Vigo, nunha vista que se celebrará na chamada ‘macrosala’, na semana do 20 de marzo. A Fiscalía pide para el 18 de anos de prisión.

Segundo informou no seu día a Policía Nacional, o detido era cliente asiduo da vítima, Roberto C.P. de 51 anos, que lle fornecía estupefacientes. O detonante do asasinato foi un enfrontamento porque a vítima se negaba a fiarlle droga a M.M.

O procesado, tamén veciño de Chapela, supostamente matou á vítima asfixiándoo, e o cadáver foi localizado a finais de xaneiro de 2021 coas mans atadas no domicilio, tras a alerta dun coñecido, que non lograba contactar co home.