A Audiencia Provincial de Pontevedra rebaixou en dous anos as condenas impostas a dous homes procesados por agresión sexual, en base á aplicación da Lei de ‘só si é si’.

En concreto, un dos casos afectados é o dun home que violou a unha muller ás portas dunha discoteca en Tui en 2016, cuxa condena pasou de seis a catro anos de prisión, o que implica que recobrará a liberdade en xuño deste ano e non en 2025, como estaba previsto.

Así mesmo, a Audiencia tamén rebaixou a condena imposta a un home procesado por agredir sexualmente á filla da súa parella, de maneira reiterada, desde que esta contaba con 14 anos. En lugar de oito, deberá cumprir seis anos de cárcere.

Por outra banda, os tribunais galegos rexeitaron outro cinco revisións de penas en base a esta lei, por casos nos que a súa aplicación non suporía beneficio para o condenado.

En concreto, en tres dos casos estímase que a aplicación da nova lexislación implicaría a mesma condena para os procesados. Neste caso está un home condenado por agredir sexualmente ás dúas fillas da súa parella desde que tiñan oito anos e outro procesado por roubar e violar a unha muller de 92 anos en Vilagarcía. Tampouco se beneficiarán da aplicación desta lei unha parella que en 2015 foron condenados a máis de 30 anos de prisión cada un por agredir sexualmente a dous das súas fillas.

Finalmente, no caso de dúas sentenzas revisadas, os tribunais apunta que, lonxe de resultar beneficiados pola lei de só si é si, os condenados recibirían con esta nova norma unha pena maior. Trátase dun home condenado en 2021 por abusar sexualmente da súa sobriña de 14 anos e dun home condenado en 2010 por violar durante máis dunha década á filla da súa parella, desde que a vítima tiña nove anos.

Desde a entrada en vigor da Lei Orgánica 10/2022, de 6 de setembro, de garantía integral da liberdade sexual, as audiencias provinciais galegas e o Tribunal Superior de Xustiza de Galicia revisaron e emitiron polo menos 33 decisións –tanto revisións de penas xa impostas como recursos– referir# a condenas.

Delas, polo menos 21 supuxeron unha rebaixa da pena dos delincuentes, mentres que no resto de ocasións, incluída a que afecta o caso do líder dos Miguelianos, foi mantida a condena porque a Lei do só si é si suporía que o xuízo se saldaría cunha pena maior que na que se puxo no seu momento.