Estupor e indignación dos propietarios de alomenos 16 vehiculos estacionados en Baiona que atoparon os seus vehículos completamente raiados.

Os feitos aconteceron a madrugada deste luns 30 de decembro entre as 2:00h e as 3:45h. na rúa Elduayen (A rúa principal de Baiona pegada á costa).

Segundo a denuncia feita pública por un dos afectados, a Garda Civil personouse no lugar dos feitos para deixar constancia dos danos para iniciar a investigación pertinente. Advirten que é posible que moitos dos afectados non se percatasen dos feitos ata hoxe pola mañá, por iso recomendan que revisen os coches e acudan a interpoñer a correspondente denuncia no caso de resultar afectados.

O chamamento tamén pide a colaboración cidadá e dos locais comerciais da zona para dar co autor ou autores dos feitos que gardan unha semellanza cos feitos acontecidos no barrio do Calvario en Vigo este mesmo ano.