InicioPolíticaA Xunta contrata o anteproxecto do instituto de Navia, en Vigo, e...

A Xunta contrata o anteproxecto do instituto de Navia, en Vigo, e urxe ao Concello que asine a cesión do terreo

PUBLICADO O

A delegada territorial da Xunta en Vigo, Marta Fernández-Tapias, informou este martes de que o Goberno autonómico xa contratou o anteproxecto de construción e o estudo topográfico do novo instituto do barrio de Navia, en Vigo, mentres continúa á espera de que o Concello formalice o convenio para a cesión dos terreos, condición necesaria para a execución da obra.

Tal como indicou Fernández-Tapias, o Executivo galego continúa a súa folla de ruta para avanzar nesta nova infraestrutura educativa, que suporá un investimento duns 12 millóns de euros na cidade. “Neste momento, o anteproxecto é o único paso adiante que se pode ir dando por parte da Administración autonómica mentres o Concello non firme o acordo”, lamentou a representante da Xunta na urbe olívica.

O anteproxecto de edificación, que estará concluído a finais do mes de outubro, é a fase na que os técnicos fixan os aspectos funcionais, formais, construtivos e económicos da obra, co obxectivo de proporcionar unha primeira imaxe global da mesma e establecer un avance orzamentario, segundo explicou a Xunta nun comunicado.

Por todo iso, a tamén candidata ‘popular’ ás eleccións municipais de 2023, solicitou ao alcalde, Abel Caballero, que axilice a formalización do convenio para a posta a disposición dos terreos e, desta maneira, permitir á Xunta que continúe coa licitación e a redacción do proxecto construtivo e a adxudicación das obras.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...