InicioVigo e contornaO PorriñoOs grupos de esquerda do Porriño apuran prazos para chegar a un...

Os grupos de esquerda do Porriño apuran prazos para chegar a un acordo

O pleno de investidura é este xoves.

PUBLICADO O

- Advertisement -

O salón de plenos do Concello do Porriño acollerá este xoves ás 18,00 horas unha sesión extraordinaria para a investidura do próximo rexedor ou rexedora, tras a renuncia da socialista Eva García de la Torre, mentres os grupos de esquerda apuran os prazos e para tentar chegar a un acordo sobre o candidato ou candidata a ocupar a Alcaldía.

A renuncia de García de la Torre, cuxo obxectivo era neutralizar unha moción de censura pactada entre o PP e EU-SON (a marca de Esquerda Unida e outros independentes), formalizouse o pasado 23 de novembro e, nese momento, iniciáronse os contactos para alcanzar un acordo que permitise manter o goberno do Porriño en mans do PSOE.

Desde a dimisión, os socialistas puxeron sobre a mesa o nome da súa candidata a suceder a García de la Torre, a número dous da lista, Lourdes Moure. Pero a continuidade da esquerda á fronte do goberno porriñés depende dun fráxil equilibrio e a aritmética, que se puido conseguir para a investidura de 2019, e antóllase complicada para este xoves.

Así, unha investidura de Moure precisaría dos votos dos concelleiros do PSOE (4), o BNG (2), EU-SON (2) e de Unión Democrática da Louriña, UDDL (1), pero o concelleiro desta última formación, Manuel Carreira, mostrou o seu rexeitamento a apoiar a investidura doutro candidato que non sexa David Alonso, numero catro da lista do PSOE (e que foi candidato na lista de UDDL en 2015).

Á marxe deste atranco, as negociacións entre PSOE e EU-SON tampouco foron doadas e, tras as primeiras tensións (e mesmo acusacións sobre as condicións que puñan un e outro grupo), recuperouse a “cordialidade” nos contactos, pero non hai acordo pechado. De feito, a reunión prevista para este xoves pospúxose, e é posible que haxa movementos no grupo socialista, tras un contacto coa súa Executiva provincial.

EU-SON valorou a posibilidade de que David Alonso sexa investido, dado que “parece o candidato de máis consenso” e tendo en conta que este grupo rexeita investir a ninguén que tivese responsabilidades económicas no goberno de García de la Torre (Moure era e segue sendo edila de Facenda).

Ante esta situación, o BNG, que goberna en coalición cos socialistas, reclamou “responsabilidade” para chegar a un acordo para manter un goberno de esquerdas no Porriño. Así mesmo, advertiu a socialistas e a EU-SON de que poden favorecer a chegada do PP á Alcaldía, e mesmo a responsable local da formación sinalou que Pedro Pereira (actual alcalde accidental) sería “a mellor opción” para dirixir o goberno porriñés.

ÚLTIMAS

Malvinas suspende o operativo de búsqueda dos 4 desaparecidos debido ás condicións climáticas

O goberno das Malvinas emite un comunicado sinalando que suspenden temporalmente a búsqueda dos...

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...

O BNG de Vigo denuncia que Abel Caballero eliminou o acto do Día de Galicia de maneira “sectaria”

O BNG de Vigo denunciou que o alcalde, Abel Caballero, eliminase o acto institucional...

O Goberno enviará un avión militar “canto antes” para repatriar a tripulantes españois do ‘Argos Georgia’

O ministro de Asuntos Exteriores, Unión Europea e Cooperación, José Manuel Albares, anunciou que...