InicioPolíticaO BNG pedirá no pleno a total "recuperación do sistema sanitario público"

O BNG pedirá no pleno a total “recuperación do sistema sanitario público”

Di que a situación é "especialmente grave na atención primaria", onde segue "a xeneralización da atención telefónica e con gravísimas listas de espera".

PUBLICADO O

- Advertisement -

O BNG levará ao próximo pleno do Concello de Vigo, que se celebra este mércores, unha moción para demandar “a plena recuperación do sistema sanitario público” na área viguesa, o que entende que pasa por dotalo de máis profesionais sanitarios, mellorar as infraestruturas, apostar pola investigación e aumentar as categorías profesionais, entre outras cuestións.

O portavoz municipal do Bloque Nacionalista Galego de Vigo, Xabier P. Igrexas, presentou esta iniciativa nunha rolda de prensa celebrada este martes, na que indicou que na rede sanitaria pública “existían importantes dificultades” previas ao covid-19, que “se acabaron por agravar” coa pandemia.

Así, considerou que esta situación está “sobre todo motivada por falta de medios humanos e materiais”, o que “compromete a capacidade de atención e a calidade asistencial na sanidade pública na cidade e a área”. “A resposta da Xunta do PP ante a entrega dos profesionais durante a pandemia non foi incrementar os medios senón reducilos e insistir na precariedade”, lamentou.

Acto seguido, censurou “as deliberadas políticas do PP que apostaron por un modelo privatizado e recortado no Hospital Álvaro Cunqueiro, desmantelaron parcialmente o Meixoeiro, negáronse a implantar na rede pública ao Hospital Povisa e recortaron á metade o novo centro de saúde de Bouzas“.

A isto engadiu que a situación é “especialmente grave na atención primaria”, onde segue “a xeneralización da atención telefónica e con gravísimas listas de espera”, o que, remarcou, “provoca un enorme malestar na cidadanía e é un estímulo para que se acabe por acudir ao sector privado, incrementando as desigualdades na atención sanitaria”.

Igualmente, censurou que a resposta do Sergas á falta de profesionais sexa “ofrecer contratos ultraprecarios de 15 días” a médicos e enfermeiros residentes. Finalmente, criticou a recente modificación da Lei de saúde “imposta polo PP sen ningún tipo de diálogo, que, en lugar de robustecer a capacidade da sanidade galega, acabou por perseguir dereitos fundamentais, a través dun réxime de sancións represivas e desproporcionadas”.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...