O servizo de Cardiología do hospital Álvaro Cunqueiro de Vigo realizou o primeiro implante a nivel mundial mediante unha nova técnica de reposición dunha prótese aórtica percutánea, que ofrece unha maior precisión para tratar a estenosis aórtica. Nun comunicado, o Servizo Galego de Saúde (Sergas) informou de que esta intervención foi realizada nas últimas semanas a un paciente de 77 anos de idade e consistiu no emprego dunha nova técnica TAVI que permite reposicionar a prótese Allegra, con sistema de entrega Imperia, obtendo unha maior precisión na posición final e maior rendemento da válvula implantada.

Isto, tal como indicou o Sergas, reduce previsiblemente a taxa de morte ou de reingreso por insuficiencia cardíaca neste tipo de pacientes. A operación foi dirixida polo doutor José Antonio Baz Alonso, xefe da sección intervencionista de Cardioloxía do Chuvi. “Esta técnica, que é a primeira vez que se emprega neste tipo de válvulas a nivel mundial, chega froito dun proxecto internacional de investigación previa no que o servizo de Cardioloxía foi o que máis pacientes e casos de estudo incluíu”, indicou Baz.