O Goberno de Vigo aprobou, coa súa maioría no pleno, o uso de 13 millóns de euros de remanentes municipais, cos que acometerá diferentes actuacións na cidade, entre elas o denominado proxecto ‘Halo’, un ascensor que conectará García Barbón co centro Vialia.

Na sesión plenaria celebrada este mércores, a Corporación Municipal, co rexeitamento da oposición –PP, Marea de Vigo e BNG–, deu luz verde á modificación orzamentaria para o suplemento de crédito e crédito extraordinario financiado con remanente líquido de Tesouraría.

Estes 13 millóns de investimento con cargo a remanentes súmanse aos case 36 millóns aprobados o ano pasado; e, segundo explicou o alcalde en días previos, hai outros 60,2 millóns do orzamento do anterior exercicio que “se pasan” para 2021.

Doutra banda, o pleno vigués tamén aprobou, co voto en contra dos concelleiros do PP, unha moción do grupo socialista para instar á Xunta a realizar unha achega económica de 500.000 euros para a celebración do festival de Ou Marisquiño.

PERRUQUERÍAS

Así mesmo, o BNG presentou no pleno unha moción con medidas fronte á crise industrial e comercial. O seis puntos propostos votáronse de forma separada, saíndo adiante unicamente os dous relativos ao sector das perruquerías, barbarías e centros de estética.

En concreto, acordouse –coa abstención proxecto ‘Halo’, un ascensor que conectará García Barbón co centro Vialia.do PSOE e o apoio dos demais grupos– urxir ao Goberno estatal a reducir o tipo de IVE para este sector do 21 ao 10 %. Ademais, deuse luz verde –coa abstención do PSOE e o PP e o apoio do BNG e Marea– a instar á Xunta a dialogar con este sector para adecuar as axudas ás súas características específicas.