InicioPolíticaCaballero ve "ridículo" o investimento da Xunta para evitar inundacións no Lagares...

Caballero ve “ridículo” o investimento da Xunta para evitar inundacións no Lagares e di que non haberá obras sen PXOM

Para que a Xunta poida facer esas obras, o Concello "ten que expropiar" e "só as expropiacións xa son máis que eses 6 millóns" anunciados, critica o alcalde.

PUBLICADO O

O alcalde de Vigo, Abel Caballero, cualificou este luns de “ridículo” o investimento de 6,8 millóns de euros anunciada pola Xunta para acometer obras que eliminen o risco de inundación na contorna do río Lagares, e lembrou que non poderán acometerse actuacións ata que non estea en vigor o novo Plan Xeral (PXOM).

O rexedor lembrou que, “desde que goberna Feijóo”, a Xunta non dedicou “nin un euro” ao río Lagares. “E veñen agora, tras dez anos, cun novo engano”, censurou, e engadiu que o Goberno galego ten a “competencia exclusiva” no río (aínda que o Plan Hidrolóxico Nacional establece que os concellos teñen que actuar nos tramos urbanos das canles).

Segundo sinalou, para que a Xunta poida facer esas obras, o Concello “ten que expropiar” e “só as expropiacións xa son máis que eses 6 millóns”. “E non se pode facer nada sen a novo PXOM, nada antes de dous anos”, sentenciou, antes de insistir en que esa cifra dada pola Xunta (6,8 millóns) é “ridícula”.

Abel Caballero criticou que a conselleira de Infraestruturas, que estivo este luns en Vigo para presentar esa actuación aos empresarios do polígono do Caramuxo, veu “a facerse unha foto, tomándolle o pelo aos empresarios”. “Son uns mentireiros compulsivos (na Xunta), dedícanse a enganar de forma continuada á cidade”, resolveu o alcalde.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...