InicioPolíticaO BNG de Vigo critica as "sombras" na adxudicación ao grupo DomusVi...

O BNG de Vigo critica as “sombras” na adxudicación ao grupo DomusVi do Servizo de Axuda no Fogar

Os nacionalistas rexeitan que ese servizo sexa "fonte de negocio privado para empresas" e piden que sexa un servizo público.

PUBLICADO O

O BNG de Vigo esixiu ter acceso ao expediente íntegro da adxudicación do Servizo de Axuda no Fogar (SAF), ante a contratación da empresa Servisar, do grupo Domusvi, para este servizo, e reclamou “pór luz nun proceso que presenta demasiadas sombras, no que respecta á valoración das ofertas.

Así o trasladou o edil nacionalista, Xabier Pérez Igrexas, tras manter un encontro co colectivo de xubilados e pensionistas do sindicato CIG.

Segundo incidiu, o BNG rexeita que ese servizo sexa “fonte de negocio privado para empresas”, e pediu que sexa un servizo público, á vez que lembrou a “xestión nefasta das residencias” de maiores do grupo DomusVi durante a pandemia de coronavirus.

A adxudicación do SAF (que atende a máis de mil usuarios na cidade) a Servisar xera, segundo Pérez Igrexas, “importantes dúbidas”, porque a empresa obtivo 15 puntos no proceso de valoración de ofertas no relativo á súa proposta organizativa, o que supón 6 puntos máis que a segunda oferta mellor valorada.

Por iso, o BNG solicitou ter acceso ao expediente para “coñecer os elementos que xustifican e obxectiva a valoración da oferta de Servisar”.

Finalmente, insistiu en que a aposta do Concello de Vigo debe ser a “municipalizar” ese servizo, a través da xestión pública directa, para pór fin á “mercantilización dos coidados” e á precariedade laboral.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...