InicioPolíticaMarea de Vigo pide que a urbe entre na Rede de Cidades...

Marea de Vigo pide que a urbe entre na Rede de Cidades pola Memoria e a Xustiza

Tamén solicita ao Concello que manifeste o seu apoio á denominada 'querela arxentina', a instrución que leva a cabo a maxistrada María Servini polos crimes do réxime franquista.

PUBLICADO O

- Advertisement -

O grupo municipal Marea de Vigo rexistrou unha moción para o seu debate no Pleno na que se solicita ao Concello que manifeste o seu apoio á denominada ‘querela arxentina’, a instrución que leva a cabo a maxistrada María Servini polos crimes do réxime franquista.

A concelleira de Marea, Oriana Méndez, lembrou que a investigación xudicial incumbe a delitos de xenocidio e lesa humanidade, “que non prescriben”, e que tamén afectaron a veciños da cidade de Vigo, represaliados polo réxime de Franco. Por iso, solicitou que o pleno condene “explicitamente” a “sublevación militar fascista dirixida por Franco” e a ditadura posterior.

Na moción, Marea solicita que Vigo se incorpore á Rede de Cidades pola Memoria e a Xustiza e comprométase a impulsar accións para “acabar coa impunidade da ditadura franquista”, así como a revisión da simboloxía fascista dos edificios municipais, instando a outras administracións a que fagan o mesmo.

Este grupo tamén pide que se sinalicen os escenarios “representativos da memoria de Vigo”, como a Porta do Sol, o cemiterio de Pereiró, o antigo cárcere (actual museo MARCO), o frontón de María Berdiales ou o porto, e o recoñecemento a tres vigueses “loitadores pola liberdade”, e que estiveron entre os últimos asasinados polo franquismo: José Humberto Baena, José Luís Sánchez-Bravo Solla e Xosé Ramón Reboiras Noia.

Marea reclama do mesmo xeito na súa moción que haxa un recoñecemento institucional aos 226 funcionarios represaliados pola Comisión Depuradora do Concello no período inicial da ditadura e que se revisen as condecoracións outorgadas durante o réxime.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...