InicioPolíticaO BNG propón un grupo de traballo para mellorar a protección e...

O BNG propón un grupo de traballo para mellorar a protección e recuperación das praias de Vigo

Os nacionalistas consideran que a nova ordenanza debe ter en conta que as praias non son só un gran atractivo turístico, senón un patrimonio que hai que conservar.

PUBLICADO O

- Advertisement -

O BNG de Vigo propuxo a creación dun grupo de traballo, con participación de colectivos veciñais, ambientais e animalistas, para mellorar a protección e recuperación das praias da cidade. Así o trasladou no marco das emendas presentadas ao texto da nova ordenanza sobre os areais que elaborou o goberno municipal.

O BNG expuxo crear este grupo de traballo na Comisión Informativa de Medio Ambiente do Concello, nun prazo de tres meses tras a aprobación da ordenanza, e propuxo que conte con participación de diversos colectivos. Este grupo encargaríase de elaborar un estudo con propostas de actuación concretas para mellorar a protección ambiental e, no seu caso, recuperar as praias ou ampliar as superficies naturais.

O concelleiro nacionalista Xabier Pérez Igrexas lembrou, así mesmo, que a nova ordenanza debe ter en conta que as praias non son só un gran atractivo turístico, senón un patrimonio que hai que conservar, e pediu que leven a cabo campañas de concienciación e divulgación respecto diso.

Por outra banda, o BNG tamén pediu que a ordenanza detalle, nos areais accesibles a cans, as medidas e actuacións do Concello para garantir o uso desas praias en condicións adecuadas de limpeza, hixiene e seguridade, “e que se garantice tanto a correcta convivencia entre persoas e animais, como a protección dos ámbitos de maior sensibilidade ambiental, como as dunas”.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...