InicioPolíticaA FEMP volve aprazar a reunión para tratar o superávit co Goberno

A FEMP volve aprazar a reunión para tratar o superávit co Goberno

A decisión do órgano liderado por Abel Caballero débese a unha nova oferta de Facenda.

PUBLICADO O

- Advertisement -

A Xunta de Portavoces da Federación Española de Municipios e Provincias (FEMP) acordou pospor ao próximo luns a reunión da Xunta de Goberno extraordinaria, que estaba prevista para esta mañá, despois de que o Ministerio de Facenda presentase unha nova proposta para a liberación dos remanentes e o uso do superávit dos concellos.

O presidente da FEMP e alcalde de Vigo, Abel Caballero, tiña previsto celebrar esta reunión extraordinaria este mesmo venres ás 10,00 horas despois de aprazalo en varias ocasións para estudar os distintos acordos que Facenda resolvera coa cúpula da agrupación municipalista.

Con todo, a Xunta de Portavoces decidiu finalmente atrasar de novo esta convocatoria ata o luns 3 de agosto ás 09,00 horas para estudar a nova proposta que fixo o Ministerio que dirixe María Jesús Montero para a liberación dos remanentes e o uso do superávit por parte das entidades locais.

Este novo borrador incorporaría un cambio importante respecto dos últimos documentos acordados entre Facenda e a cúpula da FEMP. Segundo puido saber Europa Press, o Executivo central ofrecería unha achega dos seus orzamentos de 5.000 millóns: 2.000 este ano e 3.000 o próximo, mentres que mantén a proposta dos remanentes e a súa devolución aos 10 anos, neste caso o 100% do entregado polos concellos.

Iso si, este novo fondo sería exclusivamente para os concellos que poñan o remanente a disposición do Goberno, segundo trasladaron a Europa Press fontes da xunta de portavoces da agrupación municipalistas.

As últimas propostas de Facenda sobre o superávit e os remanentes ameazaban con romper o consenso na FEMP xa que non contaban co apoio maioritario da Xunta de Goberno. Ante esta nova formulación, os grupos decidiron esperar a estudala detidamente, aínda que desde o PP aseguran que segundo o coñecido, isto suporía un “agravio” entre os concellos que teñen aforros e os que non.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...