Unha persoa resultou afectada por inhalación de fume na madrugada deste venres tras declararse un incendio no seu domicilio en Vigo. Segundo a información do CIAE 112-Galicia, a central de coordinación recibiu arredor das 3.00 horas unha chamada que alertaba dun incendio nunha vivenda do Camiño de Barros. Ata o lugar desprazáronse efectivos da Policía Local, que constataron que había unha persoa que precisaba asistencia médica por inhalación de fume. Ademais, avisouse os Bombeiros de Vigo para sufocar o incendio, que afectaba á cociña da vivenda.