Protesta en Vigo contra a sentenza do ‘procés’: “Non á represión”

Mobilizacións en toda Galicia.

Protesta en Vigo contra a sentenza do 'procés' catalán / BNG.

Centos de persoas secundaron este luns as protestas convocadas pola plataforma ‘Galiza con Catalunya’ en varias localidades galegas tras a sentenza do proceso independentista catalán.

As concentracións tiveron lugar a partir das 20,00 horas no sete cidades galegas, así como en Burela (Lugo) e Redondela (Pontevedra). Unhas protestas que coincidiron coas mobilizacións convocadas polo por ‘Tsunami Democràtic’ como resposta ao fallo xudicial.

En Vigo, ao berro de “Presos políticos, liberdade”, “Non, non, non, non á represión” e “O referendo é democracia” ducias de persoas manifestáronse este luns no Farol de Urzáiz portando bandeiras independentistas galegas e catalás.

Á concentración asistiu, entre outros, o concelleiro do BNG na cidade olívica, Xabier P. Igrexas, que estivo encabezando unha pancarta que rezaba ‘Democracia e liberdade’, que estaba asinada pola plataforma Galiza con Catalunya.

MÁIS EN GALICIA CONFIDENCIAL

DEIXAR UN COMENTARIO

Please enter your comment!
Please enter your name here