InicioPolíticaMarea de Vigo pide aumentar bolsas de comedor e libros

Marea de Vigo pide aumentar bolsas de comedor e libros

Critica, ademais, cambios de criterio "orientados" á concertada.

PUBLICADO O

- Advertisement -

O grupo municipal Marea de Vigo reclamou este xoves que se dote con máis diñeiro as partidas destinadas a bolsas de libros e axudas de comedor escolar, xa que “levan sendo as mesmas desde fai dúas lexislaturas”, á vez que criticou que se introduciron cambios no prego “orientados” á educación concertada.

Segundo sinalou nun comunicado Rubén Pérez Correa, “non é razoable” que o goberno municipal aumente partidas para outras actuacións, como obras de humanización, e non incremente o diñeiro destinado a esas axudas, que teñen o mesmo importe desde hai anos, 1,2 millóns de euros.

Así mesmo, o portavoz de Marea de Vigo chamou a atención sobre algunhas modificacións no prego, “que non son orientadas á educación pública, senón á concertada” como as subvencións para uniformes.

“O que debe facer un goberno local progresista é presionar para un cambio de zonificación escolar que potencie a educación pública, e promover a apertura de novos centros públicos que poidan cubrir toda a demanda escolar, e así non continuar engordando as contas do ensino privado a través dos concertos”, proclamou Pérez Correa.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...