InicioVal MiñorBaionaFeijóo apoia en Baiona aos curmáns Almuíña, conselleiro e alcalde

Feijóo apoia en Baiona aos curmáns Almuíña, conselleiro e alcalde

Feijóo, "absolutamente convencido" de que "non haberá un só alcalde" de Cs nin Vox en Galicia.

PUBLICADO O

O presidente do PP de Galicia, Alberto Núñez Feijóo, mostrouse este domingo “absolutamente convencido” de que, tras as eleccións municipais do 26 de maio, “non haberá un só alcalde” nin de Cs nin de Vox en Galicia.

Durante un mitin en Baiona (Pontevedra), o líder dos populares galegos tamén dixo estar seguro da “remontada” do seu partido despois do desastre electoral dos comicios xerais. Neste sentido, achacou esta derrota ao “erro” de “dividir” o voto do centro dereita.

Segundo asegurou Feijóo, o presidente do Goberno e secretario xeral do PSOE, Pedro Sánchez, “riu” na noite do 28 de abril: “Non conseguira un bo resultado, conseguira dividir o voto do centro e da dereita”. “O que prefira un goberno do PP a un goberno tripartito ou cuadripartito, que vote ao PP”, expresou.

A axenda electoral do presidente do PP de Galicia levouno este domingo a Baiona, onde ata 2015 era rexedor o actual conselleiro de Sanidade, Jesús Vázquez Almuiña, quen tamén participou no mitin para arroupar ao seu primo, Ángel Rodal Almuiña, que tratará de renovar a súa Alcaldía.

ÚLTIMAS

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...

Capitanía Marítima inspeccionou 723 buques en 2023 e emitiu case 2.000 certificados de navegabilidade

Capitanía Marítima de Vigo inspeccionou o pasado ano un total de 723 buques e...