InicioPolíticaPP denuncia que o goberno de Vigo non pediu a axuda estatal...

PP denuncia que o goberno de Vigo non pediu a axuda estatal de 3,5 millóns para bonificar o billete do bus urbano

PUBLICADO O

- Advertisement -

O PP de Vigo denunciou este mércores que o goberno local non solicitou a axuda estatal de 3,5 millóns de euros para bonificar os billetes de bus urbano a través do cartón PassVigo, e iso a pesar de que a Xunta de Goberno aprobou solicitar esa axuda ao Ministerio de Transportes.

Así o desvelou a presidenta do PP local e portavoz municipal do grupo ‘popular’, Luisa Sánchez, que lamentou que Vigo non recibirá eses 3,5 millóns de euros, que agora terán que pór “do seu peto” os vigueses, e todo por “pura incompetencia” do goberno de Abel Caballero.

Esa axuda permitiría facer fronte á gratuidade do billete de bus para os menores de 15 anos, e aos descontos do 50% aos mozos e os do 20% para o resto de viaxeiros coa PassVigo. Con todo, constatou Luisa Sánchez, o goberno local non tramitou a axuda, e non figura na listaxe de solicitudes aceptadas (nin no das non aceptadas) nesa convocatoria.

Ante esta situación, o PP urxiu a comparecencia do concelleiro responsable, Javier Pardo, para que dea “explicacións” sobre a perda desa axuda. Ademais, a líder do PP vigués advertiu de que tamén poden perderse outros 1,9 millóns de euros correspondentes ao segundo semestre de 2025 para a implantación das Zonas de Baixas Emisións (ZBE), e lembrou que a axuda estaba condicionada á posta en marcha desas zonas antes de final de 2025. “O Ministerio está a preguntar agora para esixir a devolución do diñeiro“, remarcou, á vez que engadiu que Vigo si podería pedir as axudas para este ano, porque as ZBE estarían operativas, pero non se tramitou a solicitude.

SUSPENSIÓN DO CONCURSO DE BUS URBANO

Por outra banda, Luisa Sánchez lembrou que a licitación do servizo de bus urbano, cun contrato de case 470 millóns de euros, permanece suspendida desde hai uns días, “por supostos indicios de prácticas colusorias”, e o goberno local non explicou os motivos. “A situación é tan grave que merece que todos os vigueses saibamos que está a pasar, sempre no marco da legalidade e ata onde se poida coñecer, respectando en todo momento a confidencialidade. Pero iso non pode signidicar dar a calada por resposta ou tentar actuar coma se non pasase nada”, afirmou a presidenta do PP vigués

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...