InicioVigo e contornaRedondelaA alcaldesa de Redondela asegura que incorporará á PXOM as alegacións...

A alcaldesa de Redondela asegura que incorporará á PXOM as alegacións posibles tras recibir 1.300

O equipo redactor da PXOM está xa traballando no estudo das alegacións para analizalas e categorizarlas

PUBLICADO O

- Advertisement -

A alcaldesa de Redondela, Digna Rivas, manifestou a súa “firme intención” de incorporar ao plan xeral de ordenación municipal (PXOM) “todas as alegacións que tecnicamente sexa posible”, tras recibir máis de 1.300 durante o tres meses de exposición pública que finalizaron o pasado venres, día 21 de xuño.

Así o sinalou este martes Rivas en rolda de prensa, onde mostrou a súa “satisfacción” de que tantos veciños, asociacións e colectivos presentasen as súas alegacións, “xa que desde o Concello fíxose un gran esforzo para trasladarlles toda a información, co asesoramento dunha oficina técnica aberta todos os días durante o prazo de exposición pública”.

“O noso obxectivo era dar a coñecer a PXOM aos veciños con todos os recursos posibles, para que tivesen toda a información e o asesoramento posible, e que puidesen presentar as súas alegacións coas maiores garantías. Vistos os resultados, conseguímolo”, subliñou a rexedora, segundo recolle o goberno local nun comunicado.

A partir de agora, o equipo redactor da PXOM está xa traballando no estudo das alegacións para analizalas e categorizarlas. Unha vez feito o traballo previo, no último trimestre deste ano levará a cabo unha reunión cos técnicos municipais e o goberno local para avaliar esas alegacións.

“A PXOM é un documento que fan os técnicos, non os políticos, que está condicionado por lle Lei do Chan de Galicia e é a Xunta a que finalmente ten que aprobalo”, explicou Rivas, indicando que se pretende engadir todas as alegacións posibles coa idea de crear “unha Redondela de futuro, na que as parroquias poidan crecer e contar cos servizos necesarios”.

Na rolda de prensa tamén estivo presente o concelleiro de Urbanismo, Antonio Cabaleiro, quen indicou que a PXOM non só está condicionado pola lei, senón polas múltiples infraestruturas que afectan a Redondela, como a AP-9, o aeroporto de Peinador ou as liñas do ferrocarril que limitan os usos do chan. Isto, unidos a unha orografía complexa con moitos desniveis “impiden establecer grandes áreas industriais no municipio”, segundo Cabaleiro.

 

 

 

 

ÚLTIMAS

O Museo do Mar de Galicia difunde o legado de Luísa Villalta cunha mostra do seu legado e traxectoria

O director xeral de Cultura, Anxo M. Lorenzo, inaugurou este luns no Museo do...

Alerta na praia de Samil por exercicios de rescate marítimo

Un exercicio de adestramento de rescate marítimo alertou na tarde deste luns aos bañistas...

Abren dilixencias previas por verteduras da cidade deportiva do Celta tras denuncias ecoloxistas

O Xulgado de Instrución número 2 de Vigo notificou a Ecoloxistas en Acción a apertura de dilixencias previas...

Atopan unha nova alga moi invasora na ría de Vigo

O grupo de investigación BioCost, do Centro Interdisciplinar de Química e Bioloxía da Universidade...