InicioPolíticaA concelleira Luisa Sánchez tomará posesión como deputada provincial tras a renuncia...

A concelleira Luisa Sánchez tomará posesión como deputada provincial tras a renuncia de Marta Fernández-Tapias

Sánchez é a primeira suplente do partido xudicial de Vigo, polo que lle corresponde tomar posesión como deputada.

PUBLICADO O

- Advertisement -

A concelleira do PP de Vigo Luisa Sánchez substituirá a Marta Fernández-Tapias como deputada provincial, despois de que esta última presentase a súa renuncia o pasado luns de todos os seus cargos políticos. Segundo informou o presidente da Deputación de Pontevedra, Luís López, Sánchez é a primeira suplente do partido xudicial de Vigo, polo que lle corresponde tomar posesión como deputada.

A renuncia de Marta Fernández-Tapias foi comunicada oficialmente este luns, xusto despois das eleccións tal e como ela mesma anunciara. Tras a súa saída entrará na corporación provincial pontevedresa a concelleira do Partido Popular en Vigo Luisa Sánchez, que traballou durante 25 anos como directora financeira de Povisa. Actualmente Sánchez é a directora de Recursos Humanos da área sanitaria de Pontevedra e O Salnés.

López aproveitou a súa comparecencia ante os medios de comunicación para pór en valor o traballo de Tapias como vicepresidenta, xa que “demostrou de todo o que é capaz” ao xestionar “dúas áreas moi potentes” como son Cultura e Deportes nas que “fixo un traballo extraordinario”, segundo valorou o mandatario provincial tendo en conta que “unha posta en marcha, dun novo goberno e dunhas novas liñas de xogo sempre implican un sacrificio maior”.

Agora, a Deputación tomará coñecemento desta renuncia no próximo pleno, que se celebrará este venres, e “dará os pasos de cara á reorganización” ata que poida tomar posesión a seguinte persoa que substituirá a Marta Fernández-Tapias (Luisa Sánchez), que será, se non hai ningún pleno extraordinario, no último pleno do mes de marzo. No partido xudicial de Vigo había tres persoas titulares para asumir a acta de deputados na administración provincial que son Sandra Bastos, Jesús Vázquez Almuíña e ata agora Marta Fernández Tapias. A primeira suplente era María Luisa Sánchez.

VICEPRESIDENCIA

A pesar disto, por agora aínda non está claro como quedará o organigrama da Deputación tras a saída de Fernández-Tapias. Será Luís López o encargado de decidir se manter a vicepresidencia viguesa e, no seu caso, nomear a alguén para a mesma. Tamén cabería a posibilidade de eliminar as vicepresidencias actuais (Vigo e Pontevedra) ou mesmo amplialas para engadir algunha máis, segundo apuntan voces de dentro do partido. Por agora, Luisa Sánchez tomará posesión como deputada provincial e haberá que esperar para coñecer os novos pasos que López marcará no ente provincial.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...