O BNG reprochou ao Goberno central “falta de compromiso” para a protección da enseada de San Simón e a “preservación” dos espazos Rede Natura.

Nun comunicado, o deputado do BNG no Congreso, Néstor Rego, e o candidato da formación á alcaldía de Redondela, Xoán Carlos González, critican “o apoio do Goberno do Estado na recuperación da actividade industrial no peirao da Pedra, en Rande”.

Tamén esixen a rectificación a través da retirada do recheo, realizados na década do noventa, e recuperar as correntes mariñas naturais perdidas.

O BNG rexistrou no Congreso iniciativas para a resposta escrita do Goberno para coñecer a posición do Ministerio para a Transición Ecolóxica e o Reto Demográfico “sobre a actividade industrial impulsada pola Autoridade Portuaria de Vigo”.

Tras recibila, critica o “apoio” á actividade, alegando o Executivo que a zona “foi restablecida como espazo de operacións para pezas especiais”.