A Garda Civil detivo dúas persoas, e investiga outras tres, todas elas veciños do Porriño (Pontevedra), pola súa vinculación con 25 roubos con forza cometidos en vivendas, establecementos e vehículos, tanto neste municipio, como no municipio veciño de Mos.
Segundo informaron fontes do Instituto Armado, os roubos perpetráronse entre xaneiro e xuño deste ano, e as pescudas (análises de testemuños, gravacións de cámaras de seguridade e outras pistas) permitiron identificar os principais autores dos roubos, dous veciños do Porriño, de 24 e 34 anos de idade, un dos cales xa ingresou en prisión por orde xudicial.
No marco desta operación tamén se identificou a outras tres persoas, dous homes de 26 e 46 anos de idade, vinculados cos roubos cometidos, e outro home de 32 anos, como suposto autor dun delito de receptación (en relación cun computador portátil subtraído dun domicilio). Todos eles foron notificados como investigados.
Este grupo actuaba durante as noites nos establecementos públicos e a plena luz do día nos domicilios. Os sospeitosos seleccionaban vivendas unifamiliares no centro urbano do Porriño, así como naves industriais, onde accedían a través dos tellados, e roubaban, principalmente, material informático e audiovisual (nas vivendas) ou ferramentas e diñeiro (nas empresas).
O Comité Executivo do Consorcio Vello de Vigo (CCVV), organismo participado nun 90 por cento pola Xunta e nun 10 por cento polo Concello olívico, deu luz verde este xoves á licitación de dous novos proxectos de rehabilitación por valor de 1,5 millóns de euros.
Trátase de actuacións en inmobles da rúa Berbés e en San Francisco, que supoñen unha intervención sobre uns mil metros cadrados de superficie útil, e que permitirá a construción de seis novas vivendas e un local comercial.
Segundo detallou a presidenta do Consorcio e delegada territorial da Xunta, Corina Porro, a intervención no número 29 da rúa Berbés é a agrupación de tres edificios adquiridos no seu día polo ente rehabilitador. Alí darase lugar a un inmoble cunha superficie total construída de 795,70 metros cadrados distribuídos en sete niveles, con catro vivendas e un local comercial.
A segunda intervención realizarase no número 15 da rúa San Francisco, sobre un edificio adquirido en setembro de 2018 e que, debido ao seu mal estado de conservación, tivo que ser baleirado. Na actualidade, só mantéñense as dúas fachadas frontais que dan ás rúas San Francisco e Poboadores, e unha fachada lateral cara a un canellón.
A corentena imposta polo estado de alarma provoca estampas nunca vistas na historia da ría de Vigo, como ver a Ponte de Rande, unha dos puntos con máis circulación de Galicia, completamente deserta.
O Salón das Novas Tecnoloxías, InnovAtlántico 4.0, abriu este xoves as súas portas na Andrómena do Porto de Vigo, onde decenas de expositores mostran as súas novidades relacionadas coa industria 4.0, a innovación tecnolóxica aplicada á produción e o manexo de datos.
A inauguración da feira, que dirixe Raquel Robledo, estivo presidida pola delegada da Xunta, Corina Porro, acompañada polo decano do Colexio Oficial de Enxeñeiros Industriais de Galicia, Oriol Sarmiento, e pola propia responsable do salón.
No acto deste xoves, a delegada do Goberno galego resaltou que a Xunta “é moi consciente” da importancia de sumar a industria galega á revolución tecnolóxica, e destacou a axenda da administración sobre a industria 4.0, que permitirá a creación de 20.000 empregos.
Pola súa banda, Raquel Robledo apuntou que, segundo os expertos, “o 15 por cento dos actuais empregos non existirá dentro de cinco anos”, pero o 30 por cento das funcións que se requirirán no mercado laboral, “tampouco existen aínda”.
A ese respecto, incidiu en que as novas tecnoloxías modificaron o modelo de negocio e de industria, cun escenario no que cobran cada vez máis importancia o manexo de datos e a conexión de sistemas.
A organización de InnovAtlántico advertiu de que en Galicia “existe un gran potencial de empresas que buscan mellorar os seus procesos coa mellora tecnolóxica”, e é un mercado no que “o investimento está a crecer”.
Coincidindo coa inauguración do salón abriuse tamén o panel formativo que abordará, entre outras cuestións, os retos do operario 4.0, o presente e o futuro da industria 4.0, a xestión de fábricas en tempo real, o uso de metroloxía e impresión 3D, a aposta pola dixitalización, a enxeñaría inversa ou as oportunidades de financiamento.
O alcalde de Vigo, Abel Caballero, volveu a esixir á cabeza de lista do PP ao Congreso pola provincia de Pontevedra e exministra de Fomento, Ana Pastor, que xustifique por que tivo “metido nun caixón” durante “cinco anos” o estudo hidroxeolóxico do tramo de alta velocidade ferroviaria que conectará Ourense e Vigo.
Nunha rolda de prensa celebrada este luns en Vigo, o rexedor vigués resaltou que Adif iniciou os trámites para o estudo e seguimento hidroxeolóxico dos túneles do tramo ferroviario de alta velocidade entre Ourense e Vigo por Cerdedo durante a Presidencia de Pedro Sánchez.
Neste sentido, defendeu que o goberno de Sánchez está “comprometido” coa cidade olívica e puxo en valor a resolución do convenio para a realización dun estudo que permita garantir o abastecemento de auga para Vigo e a súa área, que, tal e como incidiu, levouse a cabo durante os meses que o líder socialista presidiu o Executivo central.
Así mesmo, Caballero fixo referencia a outros proxectos que contarán coa participación estatal, como a Biblioteca do Estado, a biblioteca de Teis e a humanización da avenida de Madrid, entre outros.
As interseccións entre moda e arte constitúen un dos eixos centrais do labor que nos últimos anos vén desenvolvendo o grupo de investigación ‘dx7’ da Facultade de Belas Artes da UVigo, que coordina a directora de Esdemga, Lola Dopico, comisaria de ‘Especulacións utópicas’.
Interseccións entre moda e arte arredor do corpo, a exposición promovida xunto á Universidade de Santiago de Compostela que desde a noite deste xoves reúne no Pazo de Fonseca ás creacións de 25 artistas e creadoras formadas nesta facultade.
‘Especulacións utópicas’/ USC
Creacións que, como explica Dopico, articúlanse arredor dun nexo común, as ideas de corpo e corporalidade, que dan lugar a unha serie de “especulacións utópicas, de proxectos que desafían o habitual concepto de corporalidade” e que, aínda que en moitos dos casos sexan resultado do traballo con materiais téxtiles, van máis aló do deseño moda para reflectir un proceso de investigación artística.
‘Especulacións utópicas’/ USC
Inaugurada na noite do pasado xoves coa participación da vicerreitora de Comunicación, Cultura e Servizos da USC, Mar Lorenzo, ademais da propia Dopico, a exposición que ata o 31 de xaneiro poderá visitarse no salón artesoado e capela do colexio de Fonseca reúne os proxectos de 24 creadoras e un creador formados tanto en Esdemga como nos diferentes graos e posgraos que se imparten na Facultade de Belas Artes.
‘Especulacións utópicas’/ USC
“A verdade é que levamos tempo con gañas de facer un traballo deste tipo”, sinala Dopico desta indagación artística centrada nesa intersección entre arte e moda e articulada en base a unha idea moi concreta; a idea do corpo, “pero non dun corpo real, senón da extensión do corpo, dun corpo utópico, futuro, tecnolóxico…”.
‘Especulacións utópicas’/ USC
Trátase, sinala, dunha serie de obras “cunha marcada compoñente de investigación artística”, nas que conflúen tanto traballos relacionados coa indumentaria que parten do deseño de moda “para achegarse máis á beira da investigación artística”, como outra serie de creacións artísticas que se achegan tamén “ao vértice corpo-pel”.
‘Especulacións utópicas’/ USC
‘Especulacións utópicas’ recolle, como sinala Dopico, “moitos traballos relacionados coa indumentaria” e que suman ao deseño de moda unha compoñente artística que neste caso parte da investigación con materiais téxtiles, como sería o caso da proposta de María Cores, que en novembro obtiña o segundo premio en Debut, o desfile no que o alumnado de Esdemga presenta as coleccións que constitúen os seus traballos de fin deestudos, por unha proposta que “ten que ver coa sombra, co espectro”.
‘Especulacións utópicas’/ USC
Ou como sería o caso tamén de Ana Micaela Fernández, premiada cun accésit neste desfile e que presenta uns “vestidos lenzo” nunha exposición na que tamén están presentes gañadoras de anteriores edicións de Debut como José Cortizo, Sheila Pazos ou María Paz. De feito, entre os expositores figuran tanto novas tituladas como persoas que completaron hai anos os seus estudos, como é o caso de Isabel Marsache, que achega a esta exposición “un traxe de xastrería tradicional que reproduce a anatomía masculina”, explica Dopico.
Do mesmo xeito, entre as participantes figuran tamén persoas procedentes do ámbito das Belas Artes como Mar Ramón, que achega un traballo fotográfico que propón “unha revisión arredor da idea de corporalidade”, ou Basilisa Fiestras.
‘Especulacións utópicas’/ USC
Así mesmo, a mostra reúne pezas que se valen de elementos téxtiles para abordar cuestións como os estereotipos de xénero, no caso da proposta de Teresa Búa, ou propostas froito “dunha investigación artística de base tecnolóxica”, como o Enviroment Dress, un traxe que reacciona ante estímulos ambientais, que a doutora en Belas Artes María Castellanos desenvolveu xunto ao investigador Alberto Valverde.
Ana Abal, María Alborés, Tania Campos, Paloma García, Ainhoa González, Andrea Losada, Silvia Marra, Bibi Martín, Aida Mosquera, Laura Murillo, Estela Pérez, Sara Pérez, Inmaculada Rodríguez, Carla Soage e Sara Vigo suman así mesmo as súas creacións a unha exposición que Dopico desenvolveu coa colaboración das alumnas de doutoramento Ana Pérez Valdés, Irene Márquez e Helena Fernández-Novoa.
‘Especulacións utópicas’/ USC
A mostra que ata finais de xaneiro permanecerá ao carón da Praza do Obradoiro dá continuidade a unha colaboración entre as universidades de Vigo e Santiago que xa posibilitou a exhibición o pasado ano en Santiago de Tecido Cru, exposición que reunía unha serie de traballos do alumnado de Esdemga.
“Tanto para o grupo de investigación como para o máster en Deseño e Dirección Creativa en Moda supón un xeito de amosar o traballo de investigación que se realiza na Universidade de Vigo nun contexto expositivo espléndido”, sinala Dopico dunha iniciativa que fai posible achegar estes traballos “a outros investigadores e espectadores” ,á vez que constitúe “unha grande oportunidade para os propios estudantes de amosar os seus traballos nun contexto diferente”.
O Concello de Vigo destinará case 300.000 euros a axudas para impulsar a creación de empresas, así como a contratación e a mellora de emprego.
Nunha rolda de prensa celebrada este luns, o alcalde, Abel Caballero, detallou que se procedeu á convocatoria das bases reguladores de axudas á creación de empresas e destacou que o importe destinado ás mesmas ascende a 197.000 euros, fronte aos 70.000 euros consignados para este fin o ano anterior.
Ademais, indicou que o goberno local aprobou as bases reguladoras para apoiar a mellora de condicións laborais e as contratacións con 100.000 euros. Así, sinalou que se impulsará a conversión de persoal temporal en indefinido e a contratación de persoas sen emprego.
A este respecto, puxo en valor a aposta do goberno local pola xeración de emprego, cuxa competencia “é exclusiva da Xunta”, que “recibe diñeiro” do Executivo central para este fin, a diferenza das administracións locais.
Noutra orde de cousas, o alcalde detallou que a programación do festival TerraCeo que acolle o Auditorio Mar de Vigo completarase co hip hop cubano de Cimafunk o próximo 6 de agosto e unha dobre sesión de guitarra co Twanguero e o rock de Desvariados o 8 de agosto. Ademais, o 28 de agosto terá lugar unha actuación dos vigueses Muñoz en sesión vermú. As entradas para estes concertos poden adquirirse a través da plataforma de venda do auditorio.
O alcalde de Vigo, Abel Caballero, acusou este martes ao presidente da Xunta, Alberto Núñez Feijóo, de ter “paralizado” o proxecto do ‘anel verde’ para “protexer” a cidade ante eventuais incendios, e o Goberno galego replicoulle lembrándolle que ese proxecto non pode saír adiante sen acordo cos comuneiros, un acordo que non existe.
O rexedor sinalou que o goberno local leva esperando desde 2019 a que a Xunta autorice o anteproxecto que lle presentou para construír ese cinto verde de case 50 quilómetros ao redor da cidade, unha iniciativa valorada nuns 8 ou 9 millóns de euros. “E non o podo presentar a fondos da Unión Europea porque a Xunta non o autoriza, é unha máquina de parar temas en Vigo”, lamentou.
Abel Caballero sinalou que o Concello remitiu o anteproxecto á administración galega en maio de 2019 e que, en outubro dese ano, a Xunta respondeu pedindo que se acreditase a titularidade dos terreos para levar a cabo a obra.
“Pero para facer as expropiacións necesitamos o proxecto, e o que nos piden é que acreditemos a titularidade sobre un anteproxecto, algo que non se pode facer, porque se pode cambiar”, sinalou o rexedor, quen engadiu que o proxecto definitivo non pode ser redactado precisamente sen coñecer as observacións da Xunta.
A ese respecto, o alcalde denunciou que non ten “noticias da Xunta desde outubro de 2019” con respecto a ese ‘anel verde’, polo que non pode proceder nun proxecto “tan importante”.
RESPOSTA DA XUNTA
Pola súa banda, a delegada territorial da Xunta en Vigo, Marta Fernández-Tapias, censurou o “descoñecemento” de Abel Caballero sobre a tramitación dese proxecto, e criticou que tente “culpar” o Goberno galego “da súa propia incompetencia”.
Segundo apuntou Fernández-Tapias, para que poida executarse a lei de montes veciñais debe haber un acordo entre os propietarios dos terreos e o Concello, un acordo do que non dispón a administración local. De feito, engadiu, así se lle trasladou ao goberno local en 2019, “sen que o Concello achegase ata hoxe a documentación requirida”.
Así, explicou, o Concello debe certificar que existen eses acordos que garanten o cumprimento do marco legal vixente, e preguntou se, seica, Abel Caballero “está a propor que haxa que saltarse a lei”.
En todo caso, matizou a delegada da Xunta, o ‘anel verde’ proxectado polo goberno vigués “non é compatible co previsto no Plan de Acción asinado entre estas comunidades e a Consellería de Medio Rural”, e por tanto o anteproxecto non pode avaliarse na súa totalidade.
“Se considerase este proxecto tan importante como di xa chegaría a un acordo cos comuneiros, pero interésalle máis ter outro motivo para alimentar a confrontación“, afirmou, á vez que lamentou que, a pesar de que Vigo foi un dos concellos máis afectados polos incendios en 2017, o Concello non se adheriu ao convenio de protección das aldeas promovido pola Xunta para axudar aos municipios nos labores de prevención.
RISGA
Por outro lado, a Xunta criticou este martes os atrasos na tramitación dos expedientes, por parte do Concello de Vigo, para a concesión das Rendas de Integración Social (RISGA), e sinalou que os servizos municipais vigueses tardan unha media de 5 ou 6 meses en facer os informes de valoración, “cando a lei marca claramente que debe ser un mes”.
A delegada territorial do goberno galego lamentou eses atrasos “inadmisibles” nunha cidade que concentra a metade dos perceptores de RISGA da provincia e sinalou que o cambio no sistema de inicio dos expedientes por parte do Concello (que agora achega a solicitude con “apenas documentación” e con entrada directa no rexistro da Xunta) “retarda se cabe aínda máis uns prazos xa de seu inaceptables”.
Así, explicou que antes a Xunta recibía o informe completo de valoración e o proxecto de integración dos solicitantes, mentres que agora ten que requirirllo ao Concello para poder continuar a tramitación. “Ademais, unha vez chegado ese informe, é moi habitual que se teña que requirir máis información, polo que os prazos dispáranse”, engadiu.
Por outra banda, Fernández-Tapias apuntou que a entrada en vigor do Ingreso Mínimo Vital complicou a tramitación, porque houbo que revisar moitos expedientes.
En todo caso, precisou, a entrada en vigor desas axudas non supuxo un descenso no número de solicitantes de RISGA. Así, Vigo pechou 2020 cunha media de 77 solicitudes ao mes, e esa media elevouse a 107 no que vai de 2021.
A Universidade de Vigo conta con 26 investigadores no ranking dos máis citados que elabora a Standford University, co catedrático David Posada á cabeza e que, no campo da Bioloxía Evolutiva, é o máis citado de España e o noveno do mundo.
A base de datos enumera a case 160.000 investigadores de primeiro nivel internacional, que se sitúan no 2 % superior de citas, e que traballan en 22 campos científicos e 176 subcampos. A lista publicada recentemente permite coñecer os resultados dos investigadores tendo en conta a súa traxectoria ou ben os datos relativos a 2019.
Así, hai 2.290 científicos e científicas españois referenciados, e 26 da UVigo, entre os que destaca David Posada no campo da Bioloxía Evolutiva (no posto 9 do mundo) e Armando Caballero (no posto 450). En Biotecnoloxía está Juan Carlos Parajó (posto 149 do mundo); Jesús Simal no campo das Ciencias dos Alimentos (posto 232 do ranking mundial); así como outros investigadores: Carlos Lago (Ciencias do Deporte), Jorge Domínguez e María Jesús Briones (Agronomía e Agricultura), Alberto Velando (Ciencias do Comportamento e Psicoloxía), José L. Soengas (Fisioloxía), Emilio Marañón (Bioloxía e Hidrobiología Mariña), ou Isabel Pastoriza (Nanociencia e Nanotecnoloxía), entre outros.
