Inicio Blog Páxina 1070

Asime defende a “legalidade” da entrada de Pemex en Barreras ante a revisión de contratos anunciada por México

E.P.
-
0
Asime defende a “legalidade” da entrada de Pemex en Barreras ante a revisión de contratos anunciada por México

O secretario xeral da Asociación de Industriais Metalúrxicos de Galicia (Asime), Enrique M. Mallón, defendeu a “legalidade” da entrada de Pemex no accionariado de Barreras ante a revisión de contratos con estaleiros por parte da empresa mexicana anunciada polo Goberno do país latinoamericano.

Preguntado polos medios tras un acto celebrado este luns en Vigo, Mallón asegurou non dispor de “información” que “faga dubidar” da “transparencia” do acordo que posibilitou que PMI Holdings, filial de Pemex, adquirise o 51 por cento das accións do estaleiro olívico en 2013.

Por este motivo, mostrou a súa “tranquilidade” e “confianza” nas investigacións anunciadas polo presidente de México, Andrés Manuel López Obrador, respecto dos contratos de Pemex con estaleiros españois. Así, o secretario xeral de Asime incidiu en que estas accións non terán “repercusión” na industria galega.

Nesta liña, Mallón defendeu que a entrada no accionariado da empresa azteca realizouse por unha “cantidade razoable” –5,1 millóns de euros– e que, mediante esa operación, “gañaron” Galicia e Pemex.

Transportistas reclaman a creación dun aparcadoiro seguro para camións nas inmediacións de Vigo

E.P.
-
0
Transportistas reclaman a creación dun aparcadoiro seguro para camións nas inmediacións de Vigo

Representantes da Asociación Provincial de Empresarios de Transportes Discrecionales de Mercancías de Pontevedra (Asetranspo) reclamaron a creación dun aparcadoiro seguro para camións nas inmediacións de Vigo.

Así llo trasladaron ao candidato de Cs á Alcaldía de Vigo, Javier Alonso, que se comprometeu a estudar as súas demandas, durante unha reunión, segundo recolleu a formación nun comunicado.

Javier Alonso, que incidiu no feito de que os transportistas son “o motor da industria” de Vigo, sinalou que estes traballadores tamén lle transmitiron “os problemas que se atopan á hora de reservar espazos relacionados coas mudanzas”.

Ademais, os condutores puxeron o foco no feito de que o peche de rúas de Vigo por obras dificulta a realización de movementos de vehículos pesados.

Galería de fotos: Vigo lúcese este Nadal

redacción
-
0

Ferido un motorista en Mos ao chocar contra un coche que non parou a socorrelo

E.P.
-
0
Ferido un motorista en Mos ao chocar contra un coche que non parou a socorrelo

Un motorista foi evacuado a un hospital con feridas de consideración tras impactar nunha estrada de Mos contra un turismo que, tras o accidente, continuou a marcha sen socorrer ao ferido.

Diso informou o CIAE 112 Galicia, que tivo constancia do sinistro, ocorrido á altura da Porteliña na estrada que une Mos co polígono de Veigadaña, ás 16,30 horas deste luns.

A persoa que alertou a través do teléfono á central de emerxencias relatou que o vehículo implicado no impacto contra o motorista xa non estaba no lugar. O suceso foi posto en coñecemento de Urxencias Sanitarias 061, que mobilizou o helicóptero medicalizado con base en Ourense. Con todo, o motorista foi trasladado a un hospital por unha ambulancia.

Rexistro na sede do Colexio de Enfermaría de Pontevedra, en Vigo

E.P.
-
0
Rexistro na sede do Colexio de Enfermaría de Pontevedra, en Vigo

O Corpo Nacional de Policía iniciou este xoves un rexistro no Colexio oficial de Enfermaría de Pontevedra, situado na rúa Aragón, na cidade de Vigo.

Fontes da investigación explicaron que se están intervindo documentos e computadores, entre outros efectos. Así, espérase que o operativo policial continúe polo menos unha hora máis.

Pola súa banda, fontes policiais trasladaron que esta operación forma parte dunha investigación levada a cabo por un xulgado da Coruña, no marco dunha causa que foi declarada secreta.

A área de Vigo segue a ser a segunda con maior número de alumnos con COVID

redacción
-
0
A área de Vigo segue a ser a segunda con maior número de alumnos con COVID

A segunda zona de influencia con máis positivos entre o alumnado é a de Vigo, con 470 contaxios, aínda que rexistra un descenso que supera os 50 casos respecto ao día anterior. Ademais, mantén polo menos 34 unidades pechadas.

Os puntos de maior incidencia son o centro privado Os Salgueiros de Mos, con 18, ou a Compañía de María de Vigo, con 15 positivos e catro aulas pechadas.

Os casos máis graves son o centro privado Santiago Apóstolo de Soutomaior, con 30 positivos.

A incidencia da covid-19 nos centros educativos galegos segue en descenso. O último parte facilitado pola Xunta indica que os casos activos baixan ata os 2.705, polo que se mantén a tendencia á redución rexistrada no últimos sete días.

Morre Xosé Manuel Pazos, alcalde de Cangas

redacción
-
0
Morre Xosé Manuel Pazos, alcalde de Cangas

O alcalde de Cangas do Morrazo, Xosé Manuel Pazos, faleceu este luns aos 63 anos de idade no Hospital Álvaro Cunqueiro de Vigo, onde ingresou tras atoparse indisposto, confirmaron fontes próximas ao rexedor.

Pazos, membro da Coordinadora Nacional de Esquerda Unida, era alcalde de Cangas desde 2015, encabezando a coalición Alternativa Canguesa de Esquerdas (ACE), que goberna este concello co PSOE.

Mestre de profesión, foi tamén actor, director e autor teatral. No ámbito político, exerceu como concelleiro de Cangas por Esquerda Unida entre 1995 e 1997, e por Alternativa Canguesa de Esquerdas entre 2007 e 2009 e, en 2015, foi investido alcalde desta localidade. Ademais, entre 1997 e 2001, foi deputado por Esquerda de Galicia (Grupo Mixto) no Parlamento galego.

Xosé Manuel Pazos levaba tempo loitando contra un cancro de pulmón e, de feito, abandonou momentaneamente a alcaldía en outubro de 2018 para ser intervido cirurxicamente e poder recuperarse. Pouco máis dun mes despois reincorporouse á súa responsabilidade como rexedor, que mantivo ata este luns.

Dous novos falecidos por COVID no CHUVI

redacción
-
0
Dous novos falecidos por COVID no CHUVI

As dúas vítimas mortais no CHUVI de Vigo eran dous homes, neste caso, de 83 e 67 anos de idade.

Con estes dous falecementos, Galicia rexistrou nove mortes, segundo trasladou a Consellería de Sanidade este domingo. Trátase de dúas mulleres e sete homes que permanecían ingresados en distintos hospitais da comunidade. Ningún deles estaba vinculado con residencias e todos tiñan patoloxías previas.

Please wait while you are redirected...or Click Here if you do not want to wait.

Extinguido o incendio na sede viguesa do Celta

E.P.
-
0
Extinguido o incendio na sede viguesa do Celta

O incendio rexistrado na tarde deste luns na cúpula da sede do Real Club Celta de Vigo, situada á altura do número 44 da rúa Príncipe da cidade olívica, foi extinguido.

En concreto, o 112 Galicia foi alertado da presenza de lume e fume no edificio sobre as 19,30 deste luns por varios particulares.

Posteriormente, o servizo de emerxencias deu aviso do incendio aos bombeiros, a Policía Nacional, a Policía Local e o corpo de Protección Civil da cidade. Ademais, de modo preventivo, informou os servizos de Urxencias do 061.

Así mesmo, fontes da Policía Nacional indicaron que o suceso non deixou feridos, aínda que o edificio da sede do Celta e o anexo foron desaloxados. Así, as mesmas fontes precisaron que as chamas só afectaron á terraza situada na cúpula do primeiro inmoble e que os bombeiros se desprazaron ao lugar para sufocar o lume.

O alcalde de Vigo, Abel Caballero, que tamén se trasladou ata ese punto, explicou que se enviaron cinco camións do servizo antiincendios á zona tras terse coñecemento do incendio, ademais de efectivos da Policía Nacional e a Policía Local.

Así “resisten” os maiores dun centro vigués á corentena

redacción
-
0
Así “resisten” os maiores dun centro vigués á corentena

Trece monxas, 48 empregados e 142 residentes forman a residencia Santa Marta. A comunidade leva instalada en Alcabre desde 2001, pero os vigueses seguen relacionando ás Hermanitas dos Anciáns Desamparados coa súa anterior localización en Pi e Margall.

Polo momento, este centro non ten ningún contaxiado. E, así, bailando e cantando o himno desta corentena queren ensinarlle ao mundo que hai que protexelos porque eles son a nosa memoria.

1...1.0691.0701.071...2.144Páxina 1.070 de 2.144

HOXE EN GALICIA

Loading RSS Feed